Քրիստինե Վարդանյանը իր ֆեյսբուքյան էջում գրել է Սոնա Մնացականյանի վրաերթի ենթարկելու դեպքով ընթացող քննության, փաստաբանի հայտարարության մասին: Այս դեպքով իրականացվել է ուղղորդված նախաքննություն, բացահայտ նպատակներով «անհետացվել» է շարասյան ավտոմեքենաներում օգտագործված ռադիոկապի ձայնագրությունը: Նաև չի բացառվում, որ իշխանությունը փորձելու է ՀՀ վճռաբեկ դատարանի միջոցով բեկանել այս դատական ակտը։
Մարտի երեքին Մայր Աթոռ Սուրբ Էջմիածնում, Ամենայն Հայոց Կաթողիկոսի նախագահությամբ, տեղի ունեցավ Գերագույն հոգևոր խորհրդի ժողովը։ Պատերազմի հետևանքով ստեղծված կացության մասին զեկույց ներկայացրեց Գերագույն հոգևոր խորհրդի անդամ Գևորգ Դանիելյանը։ Նա արձանագրել է, որ արցախի ժողովրդի անվտանգության երաշխիքն Արցախի անկախության ճանաչումն է։ Ժողովն ամփոփվեց Ամենայն Հայոց Հայրապետի օրհնության և գնահատանքի խոսքով։
Արտուր խոջաբաղյանը իր ֆեյսբուքյան էջում գրել է. Երբ Ժորա Ալեքսանյանը կառուցեց Խնձորեսկի ճոճվող կամուրջը, զբոսաշրջության ոլորտի շատ գործարարներ շնորհակալություն հայտնեցին նրան, քանի որ դրա արդյունքում Գորիսում զբոսաշրջության ոլորտը սկսեց զարգանալ: Արդյունքում կառուցվեցին տասնյակ հյուրանոցներ։ Ելնելով հենց այս փորձից նա առաջ է տանում դեպի ճոճվող կամուրջ ճանապարհ անց կացնելու անհրաժեշտությունը:
Ադրբեջանի նախագահ Իլհամ Ալիեւը «Չմիանալու շարժման» կոնտակտային խմբի գագաթնաժողովում իր ելույթում կոչ է արել Ֆրանսիային ներողություն խնդրել և պատասխանատվություն ստանձնել գաղութատիրական անցյալի և ցեղասպանական ակտերի համար։ Այնուհետեւ Ալիեւը մեղադրել է Հայաստանին եւ հայտարարել, որ «Ադրբեջանը հայկական օկուպացիայի պատճառով մտնում է աշխարհի ամենաշատ ականապատված երկրների մեջ»։
Կարեն Ավագյանն իր ֆեյսբուքյան էջում գրել է . «Նախկին իշխանություններին մեր ինքնիշխանությունը ռուսներին զիջելու մեջ մեղադրողները իբր չեն նկատում, որ նախկինում Հայաստանում ռուսական ռազմակայան էր, իսկ Արցախում՝ հայկական զորքեր. հիմա Արցախն ամբողջությամբ ռուսական սապոգի հույսին է: Սա ես անվանում եմ սելեկտիվ կուրություն. երբ ձեզ պետք է, տեսնում եք, երբ պետք չի, քոռանում եք. երևի լավ են վճարում սելեկտիվ կուրության համար»:
Բաքվի բարբարոսական վարչախմբի կողմից Արցախի Հանրապետության պաշտոնյանների հետ բանակցելու նպատակով «պատասխանտու» նշանակված ոմն Ռամին Մամեդովը հերթական հակահայ ադրբեջանցին է, որի նախնիները բնակություն էին հաստատել Շուշիում։ Վերջինս կեղծ տեղեկատվություն է տարածել հանդիպման մասին՝ պնդելով, թե իբր քննարկվել են Արցախի Հանրապետության՝ Ադրբեջան կոչվող արհեստածին կազմավորման հետ «ինտեգրման» հարցեր, մինչդեռ պաշտոնական Ստեփանակերտն արդեն իսկ հերքել է այս ապատեղեկատվությունը։
ԱՄՆ կոնգրեսական Էլիոթ Էնգելն ասել է, որ Իսրայելը նախատեսում է օգտագործել Ադրբեջանի տարածքը իրանական միջուկային օբյեկտների վրա հարձակվելու համար, և Բաքուն դրան համաձայնվել է։ Իսրայելի արտաքին գործերի նախարար Էլի Քոհենն նշել է, որ պատժամիջոցները «խնդիրը լուծելու» տարբերակներից են։ Նրա խոսքով՝ Իսրայելը որպես երկրորդ տարբերակ դիտարկում է ռազմական միջամտությունը։
Երկուշաբթի օրը Թայվանի նեղուցի վրայով ԱՄՆ-ի սուզանավերի հետախուզական և պարեկային ինքնաթիռի թռիչքից հետո չինացի զինվորականները ռազմական նախազգուշացում են տվել: ԱՄՆ 7-րդ նավատորմի հրամանատարության հայտարարության մեջ ասվում է, որ Միացյալ Նահանգները կշարունակի թռչել, նավարկել և գործել այնտեղ, որտեղ թույլատրվում է միջազգային իրավունքով, ներառյալ Թայվանի նեղուցում։
Չինաստանի ոստիկանության մոտ հայտնվել է հատուկ ակնոց՝ մարդկանց ճանաչելու համար։ Նման ակնոցները օգնում են ճանաչել պետհամարանիշներն ու մարդու դեմքերը, ինչպես նաև որոշել մարդու սոցիալական վարկանիշը։
Facebook-ն արգելափակել է էջեր, որոնք աջակցում էին Սերբիայի նախագահ Վուչիչին և նրա կուսակցությանը։ Այս գործունեությունը տարածվեց համացանցում և ուղղված էր սոցիալական մեդիայի ծառայություններին, ներառյալ Facebook-ը, Instagram-ը, Twitter-ը, YouTube-ը, ի լրումն տեղական լրատվական լրատվամիջոցների՝ Սերբիայի նախագահ Ալեքսանդր Վուչիչի և Սերբական առաջադիմական կուսակցության լայնածավալ և իրական աջակցության ընկալում ստեղծելու համար: