Goris Times - Հայացք աշխարհին Գորիսից

Search
Close this search box.
Գորիսում տեղի կունենա սեղանի թենիսի բաց առաջնություն

Ամենաընթերցվածները

Most Viewed Posts
50 Views

Արտակ Բակունցն իր ֆեյսբուքյան էջում գրել է.

Սիրելի´ համերկրացիներ, ընկերներ…

Մարտի 12-ին, բավական հետաքրքիր ու բարեկամական մթնոլորտում կայացած սեղանի թենիսի Վերիշենի բաց առաջնությունը ցույց տվեց մարդկանց ոգևորությունն ու կարոտը նման միջոցառումների նկատմամբ, որն առավել պարտավորեցրեց մեզ՝ առաջնությունները դարձնելու շարունակական:

Մարտի 19-ին հրավիրում ենք մասնակցելու սեղանի թենիսի բաց առաջնությանը, որին կարող են մասնակցել բոլորը (անկախ բնակության վայրից, տարիքից, սեռից և խաղամակարդակից), ովքեր ցանկանում են վերհիշել պատանեկության տարիների «լավ օրերը», վերականգնել կամ բարձրացնել իրենց խաղամակարդակը կամ պարզապես հաճելի հանգստյան օր անցկացնել:

Կախված մասնակիցների քանակից, կձևավորվեն համապատասխան քանակով խմբեր և յուրաքանչյուր խմբի շրջանային մրցափուլից հետո (բոլորը բոլորի հետ) լավագույն արդյունք գրանցած 2 մասնակիցները հնարավորություն կունենան պայքարը շարունակելու մրցանակային տեղ գրավելու համար: Մրցանակային՝ 1-3-րդ տեղ գրաված մասնակիցները կստանան պատվոգրեր և մրցանակներ: Կանանց և աղջիկների մասնակցությունը խրախուսելու համար հատուկ մրցանակ է սահմանվում նրանցից լավագույն արդյունք գրանցած մասնակցի համար:

Առաջնության մասնակցության վճարը կազմում է 1000 դրամ, որը կծառայի մրցանակային ֆոնդի ձևավորման, պահպանման ծախսերը հոգալու և միջոցառումների շարունակականությունն ապահովելու համար:

Կանանց նվիրված տոնական միամսյակի կապակցությամբ նրանց մասնակցությունը կլինի առանց մուտքավճարի:

Առաջնության նախորդ օրը՝ մարտի 18-ին, ժամը 11.00-15.00-ը, բոլոր ցանկացողները կարող են մասնակցել նախավարժանքի:

Առաջնությունը և նախավարժանքը տեղի կունենան Վերիշենի միջնակարգ դպրոցի մարզադահլիճում: Մարտի 19-ին, ժամը 10.00-11:00-ը կլինի մասնակիցների գրանցումն ու վիճակահանությունը (զուգահեռ՝ նախավարժանք): Խաղերի սկիզբը՝ ժամը 11:30-ին:

Խնդրում ենք պահպանել սահմանված ժամային գրաֆիկը, ներկայանալ սպորտային համազգեստով և մարզակոշիկներով:

Բոլորիդ մաղթում ենք հաճելի հանգստյան օրեր, ազնիվ ու թեժ պայքար:

Հարգանքով՝

Նախաձեռնող խումբ

Հեռ. 093 01 35 96

091 01 35 96

Աղբյուրը`

Թողեք մեկնաբանություն

Վերջին գրառումները

Հետեւե՛ք մեզ

Առաջարկվում է դիտել

Բաժանորդագրվել