Ֆեյսբուքյան օգտատեր Карен Авагян-ը անդրադարձել է Թուրքիայի արտաքին գործերի նախարար Մևլութ Չավուշօղլու հայտարարությանը՝ հետպատերազմյան զարգացումների մասին։ Մասնավորապես նա գրել է․
Այսինքն դա էլ կա ստորագրվելիքում , իսկ կարգավորումը Թուրքիայի համար դա հայերի գենոցիդի ՝ ցեղասպանության պատճառով հնարավոր վտանգների չեզոքացումն է ։
Եթե այս գնով է լինելու, Սփյուռքն ու միլիոնավոր արևմտահայերի գաղթած սերունդներ այսուհետ իրենց կարող են ազատ համարել Թուրքիայի հանդեպ ստանձնած որևէ պարտականությունից , որի տակ կստորագրի ՀՀ անմեղսունակ որևէ ղեկավար։
Հիշեցնենք, որ Թուրքիայի արտաքին գործերի նախարար Մևլութ Չավուշօղլուն Լիսաբոնում պորտուգալիացի պաշտոնակցի հետ հանդիպմանը հաջորդած ասուլիսի ժամանակ խոսել է հայ-ադրբեջանական պատերազմի ժամանակ Բաքվին ցուցաբերած աջակցության, եռակողմ հայտարարության ու հետպատերազմյան զարգացումների մասին:
Նա նշել է, որ Անկարան Բաքվին օգնել է՝ ելնելով «մեկ ազգ, երկու պետություն» իրողությունից` ավելացնելով, որ Թուրքիան աջակցում է Ռուսաստանի միջամտությամբ ստորագրված հայտարարությանը։
«Այս պայամանգրից հետո Ադրբեջանի որոշած տեղերում համատեղ մշտադիտարկման կենտրոն ենք կառուցում: Դիտարկման կենտրոնների նպատակը հրադադարը վերահսկելը և խախտում լինելու դեպքում համապատասխան միջոցներ ձեռնարկելն է: Մենք հույս ունենք, որ Հայաստանը չի խախտի հրադադարը,- ասել է Չավուշօղլուն ու ավելացրել,- Վերջապես մենք էլ Հայաստանի հետ մեր հարաբերությունները կկարգավորենք: Ե՛վ Թուրքիա-Հայաստան, և՛ Ադրբեջան-Հայաստան հարաբերությունները կկարգավորվեն: Հայաստանն ու Հայաստանի ժողովուրդը տարածաշրջանում գտնվողներից ամենաշատը կօգտվեն այդ կարգավորումից: Այդպիսով կարող ենք Հարավային Կովկասում մնայուն խաղաղություն և կայունություն ստեղծել»:
