Ֆեյսբուքյան օգտատեր Vahagn Dilbaryan ը իր էջում գրել է․
ԱՄՆ-ի 40-րդ նախագահ Ռոնալդ Ռեյգանն ընտրվելուց հետո՝
Սկսել է Ճապոնիայի հետ առևտրային պատերազմ՝ ստիպելով, որ կիսահաղորդիչների արտահանումն ԱՄՆ սահմանափակի:
Սահմանափակել է ճապոնական ավտոմեքենաների ներմուծումներն ԱՄՆ շուկա, որպեսզի տեղական արտադրողներն էլ հնարավորություն ունենան վաճառել իրենց մեքենաները:
Ճապոնացիների առջև պայման է դնում, որ եթե ցանկանում են ԱՄՆ-ում մեքենաներ վաճառել, ապա պիտի գործարաններ բացեն ԱՄՆ-ում ու անպայման ամերիկացի աշխատակիցներ ընդունեն: 1982 թվականին Toyota-ն բացում է NUMMI գործարանը, որին հետևում են Nissan, Mazda, Suzuki, Mitsubishi ընկերությունները:
Բոլոր ներկրված ճապոնական մոտոների հարկերը բարձրացնում է 45%-ով՝ ի օգուտ Harley-Davidson-ի:
1988 թվականին փոփոխություն է մտցնում է Էկսոն-Ֆլորիոյի սահմանման մեջ, որտեղ եթե ներդրումները վտանգում են պետության անվտանգությանը, ապա այդպիսի ներդրումները պիտի արգելվեն:
Սկսում է պետական Մատչմեյքեր ծրագիրը, ըստ որի պետությունն օգնում էր ամերիկյան բիզնեսին կազմակերպել արտահանում:
1982 թվականին ընդունում է Buy America օրենքը, ըստ որի ավտոճանապարհների կառուցմամբ ու երկաթգծերի շինարարությամբ զբաղվող ընկերությունները հումքն ու պահեստամասերը պիտի գնեն միայն ամերիկյան արտադրողներից:
Պետական ֆոնդից ֆինանսավորում է ավիատիեզերական (Aerotech) և կիսահաղորդիչների (Sematech) ոլորտները, որոնք էլ իրենց հերթին պիտի ֆինանսավորեին ամերիկյան ընկերություններին: Ի դեպ, պրոցեսորների խոշոր արտադրող Intel-ը շուկայում մնում է նաև հենց այս ծրագրի շնորհիվ:
Մեծացնում է DARPA-ի ֆինանսավորումը, որը պետական ծրագիր էր և պատասխանատու էր ռազմական նշանակության տեխնոլոգիաների մշակման համար:
Փոքր և միջին բիզնեսների համար ստեղծում է զարգացման համար ֆինանսավորման ծրագիր՝ SBIC, որտեղ պետությունը ֆինանսավորում և խորհրդատվություն էր տրամադրում պոտենցիալ ունեցող միջին բիզնեսներին: Ի դեպ, այս ծրագրով են ֆինանսավորվել ու իրենց գոյությունը պահպանել Apple, Compaq ընկերությունները: Եվ Continental Illinois Bank-ի միջոցով 500 հազ, դոլար նախնական կապիտալի ներհոսք է եղել մեզ բոլորիս ծանոթ Apple Computers-ին` https://www.sba.gov/…/SBIC-Early-Stage-Initiative.pdf…
Իսկ հիմա ավելի ուշագրավ պատմություն, պարզվում է, որ Apple-ի տեխնոլոգիաների 70%-ը պետության օգնության արդյունքն է, ինչպե՞ս։ Touchscreen, lithium-ion battery, SIRI, liquid-crystal display, microprocessor, DRAM, micro hard drive, cellular technology, GPS և այլն ստեղծվել են պետական լաբորատորիաներում։ Եվ 1980 թվականի Stevenson-Wydler Technology Innovation Act օրենքով պետական լաբորատորիաներում ստեղծված առաջատար տեխնոլոգիաները կարելի էր փոխանցել առաջատար ընկերություններին։ Ընկերություններն էլ արդեն իրենց հերթին են զարգացնում այդ տեխնոլոգիաները։
Էհ… պատկերացնու՞մ եք, եթե պետությունը չօգներ…