ԴԻՄԱԴՐՈւԹՅՈւՆ
Հաշված մարդիկ են խոսում վերջին հարյուր տարում հայ ազգի գլխին բերվող ամենամեծ ու վտանգավոր ավանտյուրայի մասին:
Հայ-ադրբեջանական սահմանի դելիմիտացիայի և դեմարկացիայի գործընթացը մեկնարկել է: Այս գործընթացի արդյունքում կնքվելու է միջպետական պայմանագիր, որով կողմերը փոխադարձաբար ճանաչելու են միմյանց սահմանները, ըստ այդմ` տարածքները:
Սրան զուգահեռ «կոմունիկացիաների ապաշրջափակման» գործընթացը կմեկնարկի:
Կուլմինացիան լինելու է խաղաղության պայմանագիրը (ինչի մասին օրեր առաջ գաղտնազերծեց Ալիևը ու որևէ բացասական արձագանք չստացավ Հայաստանից), որը վերջակետ է դնելու մեր բոլոր ազգային նկրտումներին` Արցախ, Նախիջևան, Արևմտյան Հայաստան, Հայ դատ և այլն:
Դե սրանից հետո էլ ով հասնի գլխներիս կտցնելու ա ու դառնալու ենք թուրքի նոքյար:
Հանրային կոմունիկացիայում այս հարցերը գրեթե բացակայում են, փոխարենը`ընկել ենք գյուղացի-քաղաքացի ենք խաղացնում, մանդատ վերցնել-չվերցնել ենք խաղացնում, ՍԴ ենք խաղացնում, Երևանի քաղաքապետի ու ավագանու արտահերթ ընտրություններ ենք խաղացնում:
Էս պահին ազգային օրակարգում մեկ իրական հարց կա` դիմադրությունը:
Վարազդատ Հարությունյանի ֆեյսբուքյան էջից