Հունիսի 28֊ից հուլիսի 10֊ը Սև ծովում տեղի կունենա ՆԱՏՕ ռազմածովային ուժերի վարժանքները` Sea Breeze, որին մասնակցում են 32 երկրների 5000 զինվորականներ, այդ թվում` Ուկրաինայի և Վրաստանի։ ԱՄՆ դաշնակիցների 32 նավերի և 40 ինքնաթիռների մասնակցությամբ զորավարժություններին ռուսների արձագանքը բավականին կոշտ է` Սևծովյան նավատորմը և Ղրիմում տեղակայված ռուսական զորակազմը էապես ուժեղացվել է, կարելի է համոզված պնդել, որ բերվել է մարտական պատրաստության վիճակի։ Բրիտանական նավի հետ կապված միջադեպի ֆոնին ծովային ռազմամարզանքին զուգահեռ մեր պատվիրակությունը գտնվում է Մոսկվայում բանակցությունների նպատակով։ Էրդողանի մոսկովյան սպասվող այցի մասին արդեն գրել եմ, համոզված եմ, մեզ համար որևէ դրական զարգացում ակնկալելու հիմքեր չկան։
Բարդագույն իրավիճակ է ու պետք է պատրաստ լինել սադրանքների ադրբեջանական կողմից մեր սահմաններին։
Բալյան Վարդանի ֆեյսբուքյան էջից