• 20-րդ դարասկզբին աշուղ Ֆահրատը գրում էր․ «Անհաւատ ժողովուրդ, հրաշք կսպասէք // Գետ չէք տուել, ծովի չափ կը բամբասէք»։ Խնդիրն անհավատությունն է։ Եթե հավատ ունենայինք, կհասկանայինք մեր ազգային մարգարեներին, որոնցից մեկն ասել է՝ «հայոց պատմութեան վերջին էջը կրնանք դարձնել, եթէ կորսնցնենք այս հողամասը (Արցախը – Է․Է․)»։
• Ինչո՞ւ եք զարմանում կատարվողի վրա։ Պարզապես ձեր աչքի առաջ իրականանում է Ավոյի մարգարեությունը։ Խնդիրը ոչ թե իրականության մեջ է, այլ ձեր՝ իրականությունը տեսնել կամ հասկանալ չցանկանալու։ Այլ կերպ չէր էլ կարող լինել։
• Իսկ իրականությունն այն է, որ չի լինելու Հայաստան առանց Արցախի, առանց Օմարից մինչև Միջնավան ու Թալիշից մինչև Հորադիզ մաքրագործված Արցախի Հայաստան չի՛ լինելու։ Ու ընտրությունը շատ պարզ է՝ կա՛մ մենք պատրաստվում ենք Արցախյան չորրորդ պատերազմում մեր հաղթանակին, կա՛մ մենք պատրաստվում ենք վերջնական ոչնչացմանը, քանզի Ավոյի մարգարեությունը գործում է…
