Krisp-ի համահիմնադիր Արտավազդ Մինասյանն իր ֆեյսբուքյան էջում գրել է.
Կարևորի մասին։
ՊՆ-ում գործում է հատուկ «1991 ստորաբաժանումը»: Այս եզակի ստորաբաժանման հմուտ զինվորները ռազմավարական և մարտավարական առաջադրանքների կատարման համար ստեղծում են առաջադեմ տեխնոլոգիաներ, որոնք ՀՀ Զինված ուժերի համար մեծ պահանջարկ ունեն:
FAST հիմնադրամը կազմակերպում է նախապատրաստական ԱՆՎՃԱՐ վեցամսյա դասընթացներ տվյալագիտության և արհեստական բանականության ոլորտներում «1991 ստորաբաժանման» համար։
Դասընթացին կարող են դիմել զորակոչի ենթակա բոլոր տղաները և աղջիկները, ովքեր ունեն գիտություն, տեխնոլոգիա, ինժեներական և մաթեմատիկա առնվազն բակալավրի աստիճան և պատրաստ են ներգրավվելու ՀՀ ՊՆ նախագծերում։
Նշեմ նաև, որ արհեստական բանականության մասնագետները համաշխարհային և մեր շուկայում ամենապահանջվածներից են, շատ բարձր են վարձատրվում։
Հ.Գ. Խնդրում եմ տարածենք այս փոստը, որ բնագիտական թեքումով երիտասարդները նաև գիտելիքով ծառայեն մեր բանակին։
