Երվանդ Հակոբջանյանն իր ֆեյսբուքյան էջում հրապարակել է Լևոն Նիկողայոսի Աթաբեկյանի (1877, սեպտեմբերի 3(15),1918, մարտի 24 – հայ բանաստեղծ, բժիշկ, հասարակական գործիչ) բանաստեղծություններից մեկը.
Շենին կլխին հանգիստարան,
Քու հար ընդեղ թաղած ա,
Ըսօր-էքուց քեզ մհար էլ
Կասեն՝«Ընդեղ թաղած ա»,
Վերչը էս ա,
Լաց մի ինիլ:
Սարին սեռին մին կյարմուր թոխպ
Յավաշ, յավաշ սըվացավ.
Մարթի բախտը ըսօր կյարմուր
Էքուց տեսար սըվացավ:
Բախտը թոխպ ա,
Լաց մի ինիլ:
Ըսօր՝ ջահիլ, էքուց՝ պառավ…
Էս հինչ յաման տընազ ա.
Էս աշխարհքը լուս ցիրեկավ
Պաց ըշկերավ արազ ա:
Լոխ արազ ա,
Լաց մի ինիլ:
Ջահիլ հարթնը սըրփած թոր ա,
Հու վեր սաղ ա ընդրանն ա.
Թա կաս, ըսօր տերը տու վես,
Էքուց տերը դուշմանըն ա:
Սերը սոտ ա,
Լաց մի ինիլ:
Հընգեր տղան-մին ծաղիկ ա,
Այազ ըրավ-չուրացավ.
Ըսօր խաթրիտ արուն կանի,
Էքուց տեսար՝ մուռացավ:
Ճարըտ տու ես,
Լաց մի ինիլ:
Լափու տվող կետին ճիրան,
Քար չի կա վեր չի մաշի.
Սերտը քար չի, ըրտասունքան,
Ըսօր-էքուց կը մաշի:
Դարդոտ ախպեր,
Լաց մի ինիլ:
Ըրիքնակը երգինքավը
Ուրան հետի շոռ ա տամ.
Թա ապրողին, թա մըռնողին
Ուրան լուսան փայ ա տամ:
Մին հաշիվ ա,
Լաց մի ինիլ:
Կանաչ խութին հանգիստարան,
Քու մար ընդեղ թաղած ա,
Ըսօր-էքուց քեզ մհար էլԿասեն՝ «Ընդեղ թաղած ա»:
Ազիզ ախպեր,
Լաց մի ինիլ: