Իր ֆեյսբուքյան էջում Արտուր Խոջաբաղյանն անդրադարձել է Հին Շինուհայրի Սուրբ Ստեփանոս եկեղեցուն, Դավիթ Բեկի օրոք Սյունյաց աշխարհի բանակին և նրա ունեցած դերակատարությանը: Նա գրում է.
Հին Շինուհայրի Սուրբ Ստեփանոս եկեղեցին է, 17-րդ դար։
Այստեղ Դավիթ Բեկը կազմակերպում էր զորահավաք, ռազմական ժողովներ։
Ասում են մոտ 30.000 բնակչություն ունեցող Սյունեաց աշխարհը շուրջ 10.000 հոգանոց բանակ ուներ։
Սա Ազգ֊բանակի հրաշալի օրինակ էր։ Համեմատության համար ասեմ, որ այսօր Սյունիքում ապրում է շուրջ 150.000 մարդ։
Իսկ Դավիթ Բեկը կռվում էր այն ժամանակվա գերտերությունների դեմ՝ սկզբից՝ Պարսկաստանի, իսկ հետո արդեն Օսմանյան կայսրության դեմ։
Վերջինս նպատակ ուներ Սյունիք֊Արցախի վրայով նվաճել ներկայիս Ադրբեջանի տարածքը, որը նրանց այդպես էլ չհաջողեց։
2022 թվականին լրանում է Դավիթ Բեկյան ապստամբության մեկնարկի 300 ամյակը։