ՈՄԱ-Ողջ մնալու արվեստ կազմակերպության համար Ցեղասպանությունը զորեղանալու, ուժեղ լինելու դաս է: Նրանք գտնում են, որ միայն աշխարհից ճանաչում սպասելը թուլության նշան է: Իրենց ֆեյսբուքյան հրապարակման մեջ նրանք նշել են.
1915 թվականին հայ ժողովրդին պատահած բարբարոսությունը մեր չսպիացող հիշողությունն է, որը, սակայն, պիտի դասերից վեհագույնը լինի։ Դաս՝ զորեղանալու, չտկարանալու, ուժեղ ՀԱՅ և ՀԱՅԱՍՏԱՆ լինելու։
Միայն աշխարհից ճանաչում սպասել՝ կնշանակի նստել տեղում, լինել թույլ և բաց՝ վտանգի առաջ։
Իսկ ո՞վ է հայը։ Այդ գիտի պատմությունը։ Եվ այդ չպիտի մոռանանք մենք։
Եվ այնպե՛ս անենք, որ մեզ ԱՅԼԵՎՍ ԵՐԲԵՔ ցեղասպանություններ և պատերազմներ չպատահեն։
Որ ԱՅԼԵՎՍ ԵՐԲԵՔ հայը չլինի հալածվող, հայը չլինի թույլ, հայը չլինի հուսահատ։
Շարժվելու, գործելու և առաջինը ինքներս մեզ, հետո՝ աշխարհին ապացուցելու ժամանակն է, որ մենք պատրաստ ենք ազգի համար վճռական պահերին լինել ՊԱՏՐԱՍՏ, ինքնապաշտպանվել և պաշտպանել մեր հողն ու ժողովրդին։
Եկեք առաջինը մենք ինքնե՛րս ճանաչենք մեզ պատահածը, ճանաչենք աշխատանքով, ուժեղ և մարտունակ հասարակություն ունենալով, անդրդվելի ԱԶԳ – ԲԱՆԱԿ և ԵՐԿԻՐ – ԱՄՐՈՑ կառուցելով։
Վաղուց ժամանակն է։
