Yerkir.am թերթը հրապարակել է հոդված, որում շեշտվում է, որ Թել Ավիվը փորձում է Իրանի Իսլամական Հանրապետության սահմանների մոտ տեղակայել առաջատար ռադիոլոկացիոն համակարգեր, գաղտնալսող սարքեր՝ Իրանին լրտեսելու համար:
Ընդգծվել է, որ Իրանի պաշտոնատար անձինք բազմիցս մտահոգություն են հայտնել Բաքու-Թել Ավիվ հարաբերությունների կապակցությամբ՝ Ադրբեջանին մեղադրելով Իսրայելի ահաբեկչական և լրտեսական գործունեությանը սատարելու մեջ:
Հոդվածում նշվում է նաև, որ Իսրայելի ներկայությունը Ադրբեջանում կարող է բորբոքել տարածաշրջանում տիրող մթնոլորտը, վտանգել Իրանի անվտանգությունը և լուրջ խնդիրներ ստեղծել Թեհրանի ազգային անվտանգության համար: Մյուս կողմից՝ Իսրայելի ներկայությունը կարող է հիմք դնել Հարավային Կովկասում ՆԱՏՕ-ի և ԱՄՆ-ի ներկայությանը, թեև ՆԱՏՕ-ն հայտարարել է, որ մտադիր չէ համագործակցել Ադրբեջանի հետ: Այս բոլոր գործոնները վտանգ են ներկայացնում Իրանի համար:
