Instigate Mobile CJSC Կապանի մասնաճյուղի QA թիմի ղեկավար Гарник Багдасарян-ը իր էջում ներկայացրել է «ՈԱ դասընթաց֊Կապան»-ի նոր հնարավորությունների մասին։ Նա գրել է․
Նպատակ ունենալով մեծացնել ինժեներական ուժը ՀՀ շրջաններում՝ «Ինստիգեյթ Մոբայլ» ընկերությունը հայտարարում է եռամսյա դասընթացի ընդունելություն նախաձեռնող և ակտիվ երիտասարդների համար, ովքեր պատրաստ են միանալ ընկերության Կապանի թիմին և աշխատել տեղական ու տարբեր արտասահմանյան ընկերությունների հետ։
«Ինստիգեյթ Մոբայլ» ընկերության՝ Սյունիքի մարզի Գորիս և Կապան քաղաքներում գործող մասնաճյուղերը մասնագիտացված են մոբայլ սարքերի ֆունկցիոնալ տեստավորման գործում և այսօր արդեն դարձել են որակի ապահովման առաջատար, լայնացրել գործունեության շրջանակը ավտոմատացման, ծրագրային ապահովման նախագծման և մշակման ծառայություններով։
Դասընթացի նկարագիր
Որպես սկսնակ՝ Դուք սովորում եք որակի ստանդարտները և ստուգում վեբ և մոբայլ կիրառությունների որակը՝ համաձայն ստանդարտների և սահմանված պահանջների: Արդյունքում ձեռք եք բերում անհրաժեշտ հմտություններ՝ սկսելու ձեր աշխատանքային գործունեությունը որպես Որակի ապահովման ինժեներ (Tester)։
Փորձառու դառնալով և ապահովելով բարձր որակ՝ դառնում եք Testing Analyst, ով պատասխանատու է սահմանել տեստավորման ռազմավարությունը և մշակել տեստավորման պլանը։ Հետագայում կարող եք դառնալ Testing Lead և ղեկավարել Testers և Testing Analysts թիմը՝ պլանավորելով ամբողջ նախագծի իրականացումը և հաղորդակցությունը պատվիրատուների հետ։ Փորձառու դառնալուն պես դուք կարող եք ղեկավարել ավելի մեծ թիմեր և անմիջապես շփվել պատվիրատուների հետ։
Ինչ է պետք սկսելու համար
Հաղորդակցության գերազանց հմտություններ՝ անգլերեն լեզվի լավ/գերազանց իմացությամբ։
Նախաձեռնողականություն, շարունակական բարելավումների ձգտում։
Սեր մոբայլ խաղերի հանդեպ, մոբայլ հարթակներ և սարքավորումներ կիրառելու փորձառություն։
Որակի ստուգման ոլորտում ունեցած փորձը կհամարվի առավելություն։
Տեխնիկական հմտությունները կհամարվեն առավելություն։
Ինչպես դիմել
Մասնակցության համար անհրաժեշտ է ուղարկել ինքնակենսագրություն info@instigate.training էլ հասցեին՝ մինչև փետրվարի 12-ը՝ նամակի վերնագիր տողում նշելով՝ «ՈԱ դասընթաց֊Կապան»։ Կդիտարկվեն միայն PDF ձևաչափով կցորդները։ Մասնակիցների ընտրությունը կկատարվի բանավոր հարցազրույցի միջոցով։
Դասընթացի մեկնարկը՝ 2021թ․ փետրվարի 15, Կապան քաղաքում։
