Դեկտեմբերի 10-ից Գորիսում՝ ԳՈՒՄ ՀԿ֊ում, գործում է «Բարեկամ» ընտանիքի, երեխաների, երիտասարդների զարգացման և ժամանցի կենտրոն գորիսաբնակ արցախցիների համար։
ԳՈՒՄ ՀԿ-ն AugmentAr CJSC ընկերության համագործակցությամբ Բարեկամ կենտրոն հաճախող միջին և ավագ խմբերի /13-17/ երեխաների համար կազմակերպում է նաև տեղեկատվական տեխնոլոգիաների ոլորտի դասընթացներ, որի ընթացքում երեխաները ծանոթանում են ժամանակակից տեղեկատվական տեխնոլոգիաների հնարավորություններին։ Համակարգչային դասընթացները նպաստում են կենտրոն հաճախող դեռահասների մոտիվացիայի բարձրացմանը: Դեռահասները մեծ հետաքրքրությամբ են մասնակցում համակարգչային պարապմունքներին:
Համակարգչային պարապմունքների ընթացքում երեխաներն օգտագործում են Ավստրալիահայ Ռուբինա Սիմոնյանի և Armenian Seniors Association-ի մի խումբ անձանց աջակցության շնորհիվ կենտրոնին նվիրաբերած համակարգիչներն ու պլանշետները։