Ասյան է Կոստանյան: Քաշաթաղի Հակից գյուղից: Ինքը Գորիսում է: Ամուսինը իրենց գյուղում իրերն ու տան ապրուստն է հավաքում: Այսօր գյուղը հանձնելու վերջին օրն է: Ասյան 7 երեխաների մայր է: Շուտով 8-րդը կծնվի: Հարկավոր է պատրաստվել բալիկի լույս աշխարհ գալուն: Ծիծաղելով ասում է, որ արդեն ուշանում է ծնունդը, բժշկուհին էլ է անհանգստանում: Միգուցե ավելի ապահով է զգում մոր կրծքի տակ: Եկել է համայնքապետարան տղայի հետ: Եկել են նորածնի համար հագուստ ընտրելու, իսկ համայնքապետարանի հանրային կապերի, կրթության, մշակույթի, սպորտի, երիտասարդության և սոցիալական հարցերի բաժնի պետ Արմինե Հովակիմյանը, ինչպես ամեն անգամ և յուրաքանչյուր տեղահանված և մեզ մոտ հյուրընկավլած անձի ու ընտանիքի անդամի ցավը իրենը համարելով պատրաստակամ աշխատում է օգնել կատարելու համապատասխան ընտրություն:
Նյութը՝ Էլմիրա Բալասանյան ՖԲ էջ
