Չորս օրվա ուղևորության արդյունքում Արցախի Վաղուհաս գյուղի և Սյունիքի Ակներ գյուղի դպրոցներում բացվեցին հերթական ԱՐՄԱԹ լաբորատորիաները, Ստեփանակերտի 3-րդ դպրոցի լաբորատորիան տեղափոխվեց ավելի բարենպաստ տարածք, որտեղ 3 ամսից կբացվի ԱԹՍ կրթական աշխատանոցը, Գորիսի 4-րդ ավագ դպրոցից 2-րդ հիմնական դպրոց տեղափոխվեց լաբորատորիան, որտեղ 3 ամսից նույնպես կբացվի ԱԹՍ աշխատանոցը, հանդիպումներ ունեցանք ինչպես վերը նշված դպրոցների այնպես էլ Մարտունու, Ասկերանի, Խնապատի, Ստեփանակետի 1-ին դպրոցների երեխաների հետ, խոսեցինք Արմաթի առաջիկա անելիքներից, երեխաների հետ քննարկեցինք պատերազմի այսպիսի արդյունքի պատճառների մասին, և եկանք այն եզրակացության, որ հիմնական պատճառը դա կրթության ցածր որակ ունենալն է: 3 դպրոցներում թափուր խմբավարների տեղի համար ընտրվեցին թեկնածուներ: Գույքով և սարքավորումներով համալրվեցին Արցախի 3 դպրոցների լաբորատորիաներ: Հունիս ամսին Ստեփանակերտում տեղի կունենա Արցախի Դիջիկոդ ծրագրավորման մրցույթ:
