Հայաստանյան օրեր Ֆրանսիայում
Ֆրանսիայի Վիեն քաղաքում մեկնարկել է Հայաստանյան օրեր մշակութային միջոցառումների շարքը, որի շրջանակներում կազմակերպվել են մի շարք մշակութային միջոցառումներ։ Գորիսի քույր քաղաք Վիենում անցկացվող միջոցառումներին մասնակցում է Գորիսից ժամանած պատվիրակությունը։
Պատվիրակության կազմում են՝
– Կարեն Ջավայիրյանը՝ Գորիսի քաղաքապետի խորհրդական
-Կարեն Լազարյանը՝ Գորիսի պետական քոլեջի տնօրեն և ավագանու անդամ
– Ռուզաննա Տոռոզյանը՝ ավագանու անդամ, Վիննեթ Գորիս հիմնադրամի տնօրեն
– Արմենուհի Սոնյանը՝ ավագանու անդամ և ուսուցչուհի
– Սյուզաննա Խաչատրյանը՝ Գորիսի պետական դրամատիկական թատրոնի տնօրեն
– Կարմեն Ափունցը՝ Գորիսի Ֆրանսախոսների կենտրոնի տնօրենը և կենտրոնի երեք աշակերտներ
– Լրագրող Արմինե Սիմոնյանը
Միջոցառումների շարքում կարևորվել է աշխարհահռչակ կինոռեժիսոր Սերգեյ Փարաջանովի «Նռան գույնը» ֆիլմի ցուցադրությունը։ Ֆիլմի դիտմանը ներկա էին Վիենի քաղաքապետ Թիերի Կովակսը, փոխքաղաքապետ Լևոն Սաքունցը, ինչպես նաև բազմաթիվ ֆրանսիացի պաշտոնյաներ և հյուրեր։
Հանդիպման ընթացքում կողմերը նաև քննարկել են հայ-ֆրանսիական բարեկամության հարցեր՝ առանձնահատուկ ուշադրություն դարձնելով Ֆրանսիայում հայ մշակույթի և արվեստի տարածման կարևորությանը։ Փոխայցելության շրջանակներում նախատեսվում է քննարկել նաև հետագա համագործակցության հեռանկարային ուղղությունները։
