Ամսվա կտրվածքով Գորիսի ԲԿ֊ի լաբորատորիայում իրականացվում է մոտ 6000 արյան անալիզ
Գորիսի ԲԿ֊ի լաբորատորիան աշխատում է ծանրաբեռնված գրաֆիկով։ Ամսվա կտրվածքով այստեղ իրականացվում են մոտ 6000 արյան հետազոտություն։
Լաբորատորիա հիմնականում դիմում են բիոքիմիական, արյան ընդհանուր, էլեկտրոլիտների, վիտամինների, հորմոնների հետազոտությունների համար։
Հետազոտությունների մեծ մասը կատարվում են լրիվ ավտոմատացված և մարդկային գործոնը գրեթե բացակայում է։
Լաբորատորիայում հետազոտություններն իրականացվում են cobas c111, cobas e 411, sysmex xn 330, Roche 9180, cobas h 232 և այլ ճանաչված ընկերությունների ժամանակակից սարքավորումներով։
Լաբորատորիայի բժիշկներ Արմեն Շահնազարյանի, Աննա Հայրապետյանի և 8 լաբորանտների շնորհիվ այստեղ կարողանում են սպասարկել ոչ միայն տարածաշրջանի, այլև այլ համայնքներից դիմած այցելուներին։
Գորիսի ԲԿ֊ն աշխատում է օր ու գիշեր, բարձր պատասխանատվությամբ և հմուտ մասնագիտական թիմով։
