Թուրքիայի թոշակառու դեսպան և «Լոնդոնի Էներգետիկ ակումբի» ներկայիս նախագահ Մեհմեդ Օղութչին ի պատասխան արդյո՞ք թուրք-իսրայելական հարաբերություններում խզումը մշտական կլինի, թե՞ ոչ հարցին, ասել է՝
Թուրքիայի և Իսրայելի միջև հարաբերությունները թերևս, անցնում են ժամանակակից պատմության ամենադժվարին շրջաններից մեկը, բայց այս ամենից անկախ, մեկ հիմնարար ճշմարտություն մնում է անփոփոխ.
Թուրքիան և Իսրայելը վաղուց միմյանց գիտեն, նրանք անբաժան են։ Թուրքիան առաջին մուսուլմանական երկիրն էր, որը ճանաչեց Իսրայելը։ Տասնամյակներ շարունակ կողմերի միջև զարգացել է աննախադեպ համագործակցություն պաշտպանության, հետախուզության, տեխնոլոգիաների, գյուղատնտեսության և տարածաշրջանային ճգնաժամերի կառավարման ոլորտներում։
Նույնիսկ ճգնաժամի ամենասուր պահերին այս հարաբերությունները երբեք չեն խզվել։
Մեհմեդ Օղութչին նույնպես կարծում է, որ թուրք-իսրայելական հարաբերություններն ունեն ռազմավարական խորություն, որը հիմնված է իրատեսական քաղաքականության վրա և գերազանցում է անձնական շահերը:
Ռազմավարական շահերը թելադրում են, որ նույնիսկ խզված և մասնատված հարաբերությունները վերակառուցվեն, իսկ վերքերը բուժվեն:
