52 Views
Գորիսի թիվ 5 մանկապարտեզում տեղի ունեցավ բաց պարապմունք՝ նվիրված երթևեկության անվտանգության կանոններին: «Բարի Երթ» հասարակական կազմակերպության հետ համատեղ կազմակերպված միջոցառման ընթացքում փոքրիկները ծանոթացան ճանապարհային երթևեկության հիմնական կանոններին:
Մանկապարտեզի դահլիճը վերածվել էր մանկական երթևեկության հրապարակի, որտեղ տեղադրված էին լուսացույցներ, ճանապարհային նշաններ և հետիոտնային անցումներ: Երեխաները խաղային մեթոդով սովորեցին երթևեկության կարևորագույն կանոնները: Նրանք հերթով փորձեցին իրենց ուժերը և՛ որպես հետիոտն, և՛ որպես վարորդ:
Նման միջոցառումները կրում են շարունակական բնույթ և նպաստում են վաղ հասակից երեխաների մոտ անվտանգ երթևեկության մշակույթի ձևավորմանը:
