Այսօր Գորիս քաղաքը հանդիսավոր կերպով ճանապարհեց հայոց բանակի նոր զինվորներին: Տեղի ունեցած միջոցառմանը ներկա էին նորակոչիկների ընտանիքների անդամները, ՏԻՄ ներկայացուցիչներ, հոգևորականներ, բազմաթիվ քաղաքացիներ:

Նորակոչիկների մայրերն ու հայրերը, թեև հուզված, բայց հպարտությամբ էին ճանապարհում իրենց որդիներին: Ծնողները վստահ էին, որ իրենց զավակները պատվով կկրեն զինվորական համազգեստը և արժանապատվորեն կծառայեն հայրենիքին:

Հրապարակում հավաքված գորիսեցիները բարի ծառայություն մաղթեցին երիտասարդ զինվորներին: