Տոնական միջոցառումներ սահմանամերձ Բարձրավանում
Գորիսի համայնքապետարանի և «Բարի Մամա» հասարակական կազմակերպության համագործակցությամբ մեկնարկել են սահմանամերձ բնակավայրերի ամանորյա միջոցառումները։
Առաջին տոնական հանդիպումը տեղի ունեցավ Բարձրավան գյուղում, որտեղ փոքրիկները նախապես նամակներ էին գրել Ձմեռ պապիկին: «Բարի Մամա» կազմակերպության աջակցությամբ երեխաների երազանքները դարձել են իրականություն՝ յուրաքանչյուրը ստանալով իր երազած նվերը:
Միջոցառման ընթացքում Գորիսի Գուսան Աշոտի անվան մշակույթի տան երգիչ-երգչուհիները հյուրընկալվել են Բարձրավանում՝ իրենց կատարումներով ստեղծելով տոնական տրամադրություն:
Գորիսի համայնքապետարանը տեղեկացնում է, որ համայնքի բոլոր սահմանամերձ բնակավայրերի փոքրիկների համար պատրաստված նվերները առաջիկա օրերին կհասնեն հասցեատերերին՝ նախատոնական օրերը դարձնելով ավելի ջերմ ու հիշարժան:
