Վառելափայտի խնդիրը լուծվել է Ներքին Խնձորեսկում
Համայնքի ղեկավար Առուշ Առուշանյանի հետևողական աշխատանքի արդյունքում սահմանամերձ բնակավայրերի խնդիրները քայլ առ քայլ լուծում են ստանում։
Սահմանամերձ Ներքին Խնձորեսկ գյուղի բնակիչների համար ձմեռը միշտ լրացուցիչ մարտահրավերներ է բերում: Գյուղը գազաֆիկացված չէ, և ջեռուցման հիմնական միջոցը վառելափայտն է:
Բնակիչների դիմումին արձագանքելով՝ Գորիսի համայնքապետարանը համագործակցել է «Hayk for our heroes» կազմակերպության հետ: Արդյունքում՝ գյուղի բոլոր տնային տնտեսությունները ապահովվել են վառելափայտով:
Վառելափայտով ապահովումը ոչ միայն ջեռուցման խնդիր է լուծում, այլև նպաստում է սահմանամերձ գյուղի բնակչության կենսապայմանների բարելավմանը:
Գորիսի համայնքապետարանը շնորհակալություն է հայտնում «Hayk for our heroes»-ին արդյունավետ համագործակցության համար:
