Ինչպես հայտնում են ռուսական լրատվամիջոցները, Ուկրաինայի վրա Ռուսաստանի վերջին հարձակման ժամանակ գերձայնային «Կինջալ» հրթիռը հարվածել է ՆԱՏՕ-ի Արևմտյան հրամանատարության կենտրոնին ութսուն մետր խորության վրա։ «Սպանվել են ՆԱՏՕ-ի մաանագետներից քառասուն սպա»։
Իրանի արտգործնախարար Ամիր Աբդոլլահյան, թուրք գործընկերոջ հետ համատեղ մամուլի ասուլիսում զգուշացրել է Ադրբեջանին. <<Կովկասի ճգնաժամը ստիպում է Իսրայելին ընդլայնել իրենց դիրքերը տարածաշրջանում։ Սիոնիստների ներկայությունը մենք տեսնում ենք որպես նոր սպառնալիք այս տարածաշրջանում խաղաղության և կայունության համար։
Բախմուտում ծանր մարտեր են ընթանում և՛ ցերեկը, և՛ գիշերը, բայց ուկրաինացիները ոչ մի տեղ չեն փախչում։ Ուրկրաինացնիերը զանգվածաբար զոհվում են Բախմուտի համար և հանձնվում են միայն որպես վերջին միջոց։ Դադարեք նրանց վախկոտ անվանել: Նրանք նույնն են, ինչ մենք, և նրանց մեջ նույն արյունն է հոսում։
Իրանի պաշտպանության նախարարը իր հայտարարության մեջ ասել է. Ինչ վերաբերում է Ռուսաստանում Սու երեսունհինգ կործանիչի գնմանը, ապա այս հարցը դեռ ուսումնասիրության փուլում է։ Ռուսաստանը այն երկրներից է, որի հետ մենք բարձր մակարդակի հարաբերություններ ունենք։ Եթե անհրաժեշտ լինի զենք ձեռք բերել, մենք դա կանենք, բայց այս պահին այլ զենքի կարիք չունենք։
Ըստ իսրայելական լրատվամիջոցների, Իսրայելը Ադրբեջանին գաղտնի վաճառել է միլիարդավոր դոլարների զենք ու զինամթերք, որն էլ ի պատասխան նավթ է ուղարկել Իսրայել։ Զեկույցում հավելվում է, որ Ադրբեջանը Իսրայելին թույլ է տալիս հեշտությամբ մուտք գործել Իրան եւ վերահսկել այն, ինչ կատարվում է երկրում՝ հաշվի առնելով Իրանի հետ Բաքվի ընդհանուր սահմանը։
Պավիայի համալսարանի պրոֆեսոր Լուիջի Լուկա Կավալլի–Սֆորզան իր լեզվաբանական աշխատության մեջ առաջ է քաշում այն տեսակետը, որ հնդեվրոպական լեզուները ծագել են Փոքր Ասիայում, Հայկական լեռնաշխարհում, ապա տարածվել դեպի Եվրոպա նեոլիթյան ցեղերի կողմից։ Հայոց լեզուն համարում է հնագույն հնդեվրոպական լեզու, որն այդ տարածքներում խոսակցական լեզու է եղել դեռևս ինը հազար տարի առաջ։
Նյու Յորք թայմսը Իսրայելում տեղի ունեցած վերջին իրադարձությունների մասին գրում է. Իրավիճակն այնքան վատ է, որ իսրայելական բանակի բազմաթիվ նախկին սպաներ կարծում են, որ Իսրայելը բռնապետության ճանապարհին է և բանակի զինվորներին կոչ են անում անհնազանդության և ապստամբության: Բենիամին Նեթանյահուն ջախջախում է Իսրայելը։ Ամենամեծ վտանգը Իսրայելի ոչնչացումն է։
Ադրբեջանի նախագահ Իլհամ Ալիեւը «Չմիանալու շարժման» կոնտակտային խմբի գագաթնաժողովում իր ելույթում կոչ է արել Ֆրանսիային ներողություն խնդրել և պատասխանատվություն ստանձնել գաղութատիրական անցյալի և ցեղասպանական ակտերի համար։ Այնուհետեւ Ալիեւը մեղադրել է Հայաստանին եւ հայտարարել, որ «Ադրբեջանը հայկական օկուպացիայի պատճառով մտնում է աշխարհի ամենաշատ ականապատված երկրների մեջ»։
ԱՄՆ կոնգրեսական Էլիոթ Էնգելն ասել է, որ Իսրայելը նախատեսում է օգտագործել Ադրբեջանի տարածքը իրանական միջուկային օբյեկտների վրա հարձակվելու համար, և Բաքուն դրան համաձայնվել է։ Իսրայելի արտաքին գործերի նախարար Էլի Քոհենն նշել է, որ պատժամիջոցները «խնդիրը լուծելու» տարբերակներից են։ Նրա խոսքով՝ Իսրայելը որպես երկրորդ տարբերակ դիտարկում է ռազմական միջամտությունը։
Երկուշաբթի օրը Թայվանի նեղուցի վրայով ԱՄՆ-ի սուզանավերի հետախուզական և պարեկային ինքնաթիռի թռիչքից հետո չինացի զինվորականները ռազմական նախազգուշացում են տվել: ԱՄՆ 7-րդ նավատորմի հրամանատարության հայտարարության մեջ ասվում է, որ Միացյալ Նահանգները կշարունակի թռչել, նավարկել և գործել այնտեղ, որտեղ թույլատրվում է միջազգային իրավունքով, ներառյալ Թայվանի նեղուցում։