Սերո Խանզադյան 109
Սերո Խանզադյանի 109-ամյակին նվիրված Ակսել Բակունցի տուն-թանգարանի հետ համագործակցության շրջանակներում Սերո Խանզադյանի տուն-թանգարանում բացվեց ժամանակավոր ցուցադրություն՝ «Բակունց- Խանզադյան» խորագրով։
Այնուհետև Գորիսի թիվ 2 հիմնական դպրոցի աշակերտների մասնակցությամբ կայացավ «Պատմական հիշողության կանչը» խորագիրը կրող միջոցառումը, որին հաջորդեց Գորիսի թիվ 2 հիմնական դպրոցի կողմից նկարահանված ֆիլմի դիտումը՝ նվիրված Սերո Խանզադյանի «Յոթերորդ աղբյուրը» պատմվածքին։
Շնորհակալություն ենք հայտնում հայոց լեզվի և գրականության ուսուցչուհի Քրիստինե Հարությունյանին՝ պարբերաբար համագործակցելու համար։
Միջոցառման ավարտին «Բակունցը՝ Խանզադյանի կյանքում» բանախոսությամբ հանդես եկավ բանասիրական գիտությունների թեկնածու, դոցենտ Թեհմինա Մարությանը։
Շնորհակալություն եք հայտնում բազմաբովանդակ բանախոսության և «Միրհավ» գրական ակումբի գործունեության ընթացքում ձեռք բերված նյութերը (վավերագրեր, ձեռագրեր) տուն-թանգարանին նվիրաբերելու համար։
