ՆՈՅԵՄԲԵՐԻ 29-ԻՆ ԲԺԻՇԿ-ՈՒՌՈՒՑՔԱԲԱՆԻ ԱՅՑ ԳՈՐԻՍԻ ԲԿ
Սիրելի՛ հայրենակիցներ
Տեղեկացնում ենք, որ նոյեմբերի 29֊ին, ժամը` 10։00֊ից Գորիսի ԲԿ֊ի հիվանդանոցում վճարովի հիմունքներով խորհրդատվություն կիրականացնի բժիշկ֊ուռուցքաբան, բժշկական գիտությունների թեկնածու Շահեն Գարեգինի Փարսյանը։
Շահեն Գարեգինի Փարսյանը ծնվել է Գորիսում և 2013 թվականին ավարտել է ԵՊԲՀ֊ի բուժական գործ ֆակուլտետի մագիստրատուրան։
ՌԴ Սանկտ֊Պետերբուրգի Ի. Պավլովի անվան պետական բժշկական համալսարանի ուռուցքաբանության ամբիոնում ստացել է բժիշկ֊ուռուցքաբանի մասնագիտացում։
Աշխատել է Սանկտ֊Պետերբուրգում, իսկ ՀՀ տեղափոխվելուց հետո` Ֆանարջյանի անվան ուռուցքաբանության ազգային կենտրոնում։
Այժմ Էրեբունի ԲԿ֊ի գինեկոլոգիական բաժանմունքի բժիշկ ուռուցքաբանն է։
Բժշկին առաջնահերթ անհրաժեշտ է դիմել, եթե առկա են հետևյալ գանգատները.
Կրծքագեղձերի և թևատակերի գոյացություններ, պնդացած տեղամասեր շոշափման ժամանակ, ցանկացած տիպի դիսկոմֆորտի (այրոց, մրմռոց, ծակոցներ և ցավի զգացում), մաշկի փոփոխության, պտուկի ներքաշման, պտուկից արտադրության
Կրծքագեղձի չարորակ և բարորակ գոյացություններ
Կրծքագեղձի բարակ ասեղային ասպիրացիոն բիոպսիա
Կանանց սեռական օրգանների չարորակ գոյացություններ կամ չարորակ գոյացությունների կասկած
Այլ օրգանների ուռուցքային գոյացություններ
Քիմիոթերապևտի խորհրդատվություն
Հարցերի և հերթագրման համար կարող եք զանգահարել բժշկին հետևյալ հեռախոսահամարով՝ 077 99 60 35:
