Գորիս համայնքի ղեկավար Առուշ Առուշանյանի շնորհավորական ուղերձը` տեղական ինքնակառավարման օրվա առթիվ
Հարգելի՛ գործընկերներ,
Տեղական ինքնակառավարման մարմինների հարգարժա՛ն աշխատակիցներ,
Գորիս համայնքի և անձամբ իմ անունից ջերմորեն շնորհավորում եմ բոլորիս մասնագիտական տոնի՝ Տեղական ինքնակառավարման օրվա առթիվ:
Տեղական ինքնակառավարման մարմինները հանդիսանում են այն կենսական կամուրջը, որն ապահովում է պետության և քաղաքացու միջև կապը, իրականացնում համայնքային կյանքի և համապետական զարգացման ծրագրերի ներդաշնակ համադրումը:
Համայնքների կայուն զարգացումը և բնակչության բարօրության ապահովումը պահանջում են բարձր պրոֆեսիոնալիզմ, անսահման նվիրվածություն և անխոնջ աշխատանք:
Մեր պարտքն է համախմբված ջանքերով շարունակել այս պատասխանատու առաքելությունը՝ ծառայելով հայրենիքին: Յուրաքանչյուր համայնք պետք է դառնա այն հուսալի հենասյունը, որի վրա կառուցվում է հզոր Հայաստանը:
Մաղթում եմ բոլորիս անսպառ եռանդ, ստեղծագործական մտածողություն և նորանոր հաջողություններ: Թող մեր նվիրված աշխատանքն իր արդյունքը տա՝ բերելով իրական փոփոխություններ համայնքներում և բարօրություն՝ մեր քաղաքացիներին:
Վստահ եմ, որ միասնական կամքով մենք կկերտենք այն հզոր Հայաստանը, որի մասին երազում ենք:
