Տեղ համայնքի ղեկավար Դավիթ Ղուլունցի ուղերձը Տեղական ինքնակառավարման մարմինների օրվա առթիվ
Տեղական ինքնակառավարման մարմինների ղեկավարներ, ՏԻՄ հարգելի ներկայացուցիչներ
Յուրաքանչյուր տարի նոյեմբերի 10-ը նշվում է որպես տեղական ինքնակառավարման մարմինների օր:
Անկախ Հայաստանի կյանքում Տեղական ինքնակառավարման համակարգն ինստիտուցիոնալ զարգացման բարդ շրջափուլեր է ապրել և ապրում։
Այսօր ևս շարունակվում է Տեղական ինքնակառավարման համակարգի լայնամասշտաբ բարեփոխումների գործընթացը։
Գալիք տարիներին միանշանակ կունենանք ավելի զարգացած ու բարեկեցիկ համայնքներ, տեղական ինքնակառավարման մարմինների բարելավված աշխատակազմեր։
Տարիների ընթացքում մեծ աշխատանքներ են տարվել ճանապարհների բարեկարգման և փողոցների լուսավորության ապահվոման, ոռոգման ջրագծերի աշխատանքների իրականացման, բյուջեի օպտիմալ ծախսման ուղղությամբ։ Մեծ առաջընթաց է գրանցվել տեղական ժողովրդավարության, համայնքներում էլեկտրոնային կառավարման համակարգերի արդիականացման ուղղություններով։
Մեկ անգամ ևս շնորհավորելով բոլորիս այս պատմական և նշանակալի օրվա առիթով` ուզում եմ շնորհակալություն հայտնել և շնորհավորել բոլոր նրանց, ովքեր երբևէ առընչություն են ունեցել ՏԻՄ ոլորտի հետ։
Առանձնահատուկ շնորհակալ եմ քաղաքացիական հասարակության ներկայացուցիչներին և տեղական մասնագիտական կառույցներին` այս տարիներին դրսևորած փոխադարձ հարգանքի, արդյունավետ համագործակցության և համատեղ աշխատանքի համար:
