ԳՈՐԻՍԻ ՈՍԿԵ ԿՈՐԻԶԸ.
Ճանաչե՛նք նրանց…
ՆԱՐԵ ԳԶՈՅԱՆ
Նարե Արբակի Գզոյանը ծնվել է 2002թ. հունվարի 19-ին ` Գորիսում:
Հաճախել է Գորիսի Թիվ 4 նախակրթական:
2020թ. գերազանցության ոսկե մեդալով ավարտել է Գորիսի Ակ. Բակունցի անվան թիվ 1 ավագ դպրոցը:
Դեռ դպրոցական տարիներից աչքի է ընկել իր բացարձակ առաջադիմությամբ ` լինելով հանրապետական օլիմպիադաների բազմակի դիպլոմակիր:
Կրկնակի անգամ գրանցել է լավագույն արդյունք Մեղու և Կենգուրու մրցույթներում։
Հանրապետական օլիմիպադաներում արժանացել «Հայոց Լեզու» առարկայից երրորդ կարգի դիպլոմի, Հայ գրականությունից` կրկնակի 2-րդ կարգի դիպլոմի, Աշխարհագրությունից` գովասանգրի։
2 անգամ եղել է Ֆրանսերեն առարկայից հանրապետական օլիմպիադայի 1֊ին կարգի դիպլոմակիր, որից հետո ` 2019թ. մասնակցել է Մոլդովայի մայրաքաղաք Քիշնևում կայացած Ֆրանկոֆոն երկրների միջազգային օլիմպիադային, որտեղ խմբային փուլում արժանացել է երկրորդ կարգի մրցանակի:
2020թ. ընդունվել է ԵՊՀ Ինֆորմատիկայի և Կիրառական մաթեմատիկայի անվճար ֆակուլտետը սովորել և ավարտել է բացարձակ գերազանցության կարմիր դիպլոմով:
Աշխատում է Սիմենս Ինդասթրի -ում` որպես ծրագրավորող-ինժեներ։
Այժմ սովորում է ԵՊՀ Ինֆորմատիկայի և կիրառական մաթեմատիկայի մագիստրատուրայում, անվճար խորանալով Թվային անալիզի և մաթեմատիկական մոդելավորման մեջ, զուգահեռ աշխատելով նաև գիտական հոդվածի վրա բազմաչափ տարածությունների համար մաթեմատիկական միջարկման խնդրի վերաբերյալ։
Նարեն հաջողության հասնելու իր գրավականը համարում է աշխատասիրությունը և համառությունը:
Սիրում է մաթեմատիկոս-ծրագրավորողի իր մասնագիտությունը և կյանքում հանդիպող դժվարությունները և խոչընդոտները դիտարկում որպես հերթական խնդիր և փորձում ալգորիթմորեն գտնել լավագույն լուծումներ:
Սիրում է իր մասնագիտությունը և կարծում է, որ այն նորը արարելու և ստեղծագործելու մասին է:
Ազատ ժամանակ զբաղվում է ընթերցանությամբ, սիրում է դասական և սիմֆոնիկ երաժշտություն, առանձնացնում է հատկապես Շառլ Ազնավուրին, որպես սիրո և իր սիրելի ֆրանսերենով սիրո մասին երգող երգիչ:
Նարեն խաղացել է նաև Գորիսի Գիտակների ակումբում «Ինչ որտեղ Երբ» խաղի կրտսեր գիտակների թիմում: