🆕 Չինաստանը ևս մեկ պատմական քայլ է արել, որը մինչ այս դեռ ոչ մեկին չէր հաջողվել անել 🚀
Ու դա կապված է Լուսնի հետ 🌚
Ուրեմն, 2024 թվականի մայիսի 3-ին, Long March 5 հրթիռով մեկնարկել էր Չինական «Չանյե-6» առաքելությունը․․․ լուսնային ուսումնասիրության այս առաքելությունը կազմված էր 4 մոդուլից՝
1⃣ լուսնային վայրէջքային մոդուլից
2⃣ վերադարձող կապսուլայից
3⃣ ուղեծրային սարքից
4⃣ և փոքր հրթիռից, որը վայրէջքային մոդուլի օգնությամբ հասցվել էր լուսնի մակերևույթ
Ընդհանուր առաքելությունը շարունակվել է մոտ 53 օր, ու դրա արդյունքում Չինաստանը ևս մեկ տիեզերական առաջին է գրանցել 🥇
Չինաստանին հաջողվել է առաջին անգամ պատմության մեջ նմուշներ բերել Երկիր՝ Լուսնի հակառակ կողմից 💥
Առաքելության մեկնարկից ու Լուսնի ուղեծիր հասնելուց հետո վայրէջքային մոդուլը հունիսի 1-ին վայրէջք է կատարել Լուսնի հակառակ կողմում, այնուհետև նմուշներ են հավաքվել վերադարձող կապսուլայում, որն էլ տարված փոքր հրթիռի օգնությամբ մեկնարկել է Լուսնից ու կցվելով՝ ուղեծրային կայանին, տեղափոխել նմուշների կապսուլան այնտեղ 😎
Այնուհետև այդ նմուշներն ուղևորվել են Երկիր ու հունիսի 25-ին մոտ 2 կիլոգրամ լուսնային քար ու փոշով լցված կապսուլան վայրէջք է կատարել Ներքին Մոնղոլիայում 🛰
Այստեղ պետք է ընդգծենք, որ նմուշներ Լուսնից էլի են բերվել ու սա առաջին անգամը չէր 🚀
Նմանատիպ առաքելություններ արդեն իրականացվել էին ԽՍՀՄ-ի, ԱՄՆ-ի ու էլի Չինաստանի կողմից․․․ սակայն այս առաքելության առանձնահատկությունն այն էր, որ նմուշները բերվել են Լուսնի հակառակ կողմից 🌚
Ինչը մեծ կարևորություն ունի, հաշվի առնելով այն, որ այդ հատվածը քիչ է ուսումնասիրված, ու դրա ուսումնասիրությունները մեծ բարդություն են ներկայացնում․․․
Այնպես որ, ծափահարություններ Չինաստանին 👏
Աղբյուրը Տիեզերք Էջ
