Աֆղանստանի՝ թալիբների կողմից այդպես էլ չնվաճված Փանջշեր նահանգն ունի ընդամենը 3․610 քառակուսի կիլոմետր տարածք և մոտ 173․000 պարսկալեզու բնակչություն։
Լեռնային այս փոքր «կղզին» ոչ միայն ոչ մի կերպ չի հանձնվում «Թալիբանին», այլ նաև այստեղի զինված ուժերն արդեն իսկ հաջողություններ են գրանցել՝ թալիբներից ազատագրելով հարակից Բաղլան և Փարվան նահանգների մի քանի շրջաններ և ձգտելով իրենց վերահսկողության տակ վերցնել դեպի Տաջիկստան և Ուզբեկստան գնացող հյուսիսային ճանապարհը։
Այժմ «Թալիբանը» ամեն կերպ փորձում է բանակցել փանջշերյան դիմադրության շարժման առաջնորդ Աֆղանստանի ազգային հերոս Ահմադշահ Մասուդի որդի Ահմադ Մասուդի հետ։ Պատկերացնո՞ւմ եք՝ համարյա ամբողջ աշխարհը բանակցում կամ փորձում է բանակցել և համաձայնության գալ թալիբների հետ, իսկ վերջիններս՝ փանջշերցիների։
Գիտեք ինչո՞ւ։ Որովհետև դեռևս մեծն Խորենացու ժամանակներից քաջերի սահմանները որոշվում են նրանց զենքով։
Վարդան Ոսկանյան
