Տեղ համայնքի ղեկավար Դավիթ Ղուլունցը և աշխատակազմի ներկայացուցիչները աշխատանքային շրջայց կատարեցին Խնածախ, Քարաշեն, Վաղատուր և Խոզնավար բնակավայրերի նախակրթարաններ։

Այցի ընթացքում ծանոթացան նախակրթարանների գործունեությանը, առկա պայմաններին, ուսումնադաստիարակչական գործընթացի կազմակերպմանը և ընթացիկ խնդիրներին։

Այցը նաև ուղեկցվեց ջերմ մթնոլորտով․ համայնքի ղեկավարն իր հետ տարել էր քաղցր նվերներ, որոնք մեծ ուրախությամբ փոխանցվեցին երեխաներին։

️Համայնքի ղեկավարն արձանագրեց առկա խնդիրները և հանձնարարականներ տվեց համապատասխան պատասխանատուներին՝ դրանց հնարավորինս արագ լուծում տալու ուղղությամբ։

Նման այցերը շարունակական են՝ նպատակ ունենալով բարելավել նախակրթարանների պայմանները և ապահովել որակյալ կրթական միջավայր մեր փոքրիկների համար։