Մեկնարկել է «CasaKey» 2026 բիզնես խնդիրների լուծման մրցույթը

Սիրելի΄ ուսանողներ

Այս տարի բիզնես խնդիրների լուծման «CaseKey» մրցույթը կանցկացվի 6-րդ անգամ, և սա ձեր հնարավորությունն է ցուցադրելու ռազմավարական մտածողություն, կրեատիվություն և թիմային աշխատանքի հմտություններ:

CaseKey-ն իրականացվում է Նեյշն 2.0 կրթական ՀԿ-ի կողմից՝ ՀՀ կենտրոնական բանկի հետ համագործակցությամբ։

Ծրագրի ընթացքում մասնակիցները թիմային աշխատանքի ձևաչափով լուծում են հայաստանյան ընկերությունների իրական բիզնես խնդիրներ՝ բարձր մրցունակության միջավայրում, անցնում ինտենսիվ ուսուցում նվազագույնը երեք միջազգային հեղինակավոր բիզնես դպրոցների փորձառու թիմերի կողմից, և եզրափակիչ փուլում մասնագիտական ժյուրիին են ներկայացնում իրենց լուծումները։

Ամեն տարի CaseKey մրցույթի մասնակից թիմերը ներկայացրել են Հայաստանը միջազգային բիզնես մրցույթներում (Գերմանիայում, Հունգարիայում, ԱՄՆ-ում, Սերբիայում և Նիդերլանդներում)՝ մրցակցելով աշխարհի առաջատար բիզնես դպրոցների ուսանողների հետ և ընդլայնելով երկրի ուսանողական և պրոֆեսիոնալ հանրության միջազգային ճանաչելիությունը։ Այս տարի նախատեսվում է մասնակցություն Կանադայում կայանալիք մրցույթին։

Այս տարի CaseKey-ն հանդես է գալիս ընդլայնված ձևաչափով՝ առաջարկելով հինգ ուղղություն.

• Case Competition. հայաստանյան ընկերությունների իրական բիզնես քեյսերի լուծում՝ միկրո-քեյսերից մինչև Գալա եզրափակիչ․

• CaseKey Academy. ինտենսիվ դասընթացներ միջազգային և տեղական փորձագետների հետ՝ ռազմավարության, վերլուծության և ներկայացման հմտությունների ուղղությամբ․

• Investment Track (նոր)․ վիրտուալ ներդրումային պորտֆելի կառուցում և կառավարում մասնագիտական հարթակում․

• #KeyVisits․ այցելություններ Հայաստանի առաջատար ընկերություններ․

• #KeyMeets․ ոչ պաշտոնական հանդիպումներ ոլորտի առաջնորդների հետ՝ նախաճաշի կամ ընթրիքի ձևաչափով։

Ովքե՞ր կարող են դիմել․

• 17–24 տարեկան ուսանողներ կամ շրջանավարտներ՝ անգլերենի իմացությամբ (ծրագիրը երկլեզու է՝ հայերեն և անգլերեն)

Ծրագրին մասնակցությունն անվճար է։

Հայտերը բաց են մինչև մարտի 31-ը:

Ծրագրի վերաբերյալ այլ մանրամասների կարող եք ծանոթանալ հետևյալ հղումով՝