Կանադայի վարչապետն առանց
մանևրելու հայտարարել է.
«Կանոնների վրա հիմնված միջազգային կարգը» սուտ էր և կեղծավորություն
Մարկ Քարնին Դավոսի Համաշխարհային տնտեսական համաժողովում հանդես է եկել աննախադեպ խոստովանությամբ՝ փաստացի հաստատելով այն ամենը, ինչի մասին տարիներ շարունակ գրում էին արևմտյան հեգեմոնիայի քննադատները:
«Մենք հասկանում էինք, որ կանոնների վրա հիմնված միջազգային կարգի մասին պատմությունը մասամբ կեղծ էր` ուժեղագույններն իրենց ազատում էին կանոններից, երբ դա իրենց հարմար էր, իսկ առևտրային նորմերը կիրառվում էին ասիմետրիկ կերպով: Մենք նաև գիտեինք, որ միջազգային իրավունքը կիրառվում է տարբեր խստությամբ՝ կախված նրանից, թե ով է մեղադրյալը կամ զոհը», — հայտարարել է Քարնին:
Վարչապետը խոստովանել է, որ Կանադան և արևմտյան այլ երկրներ տասնամյակներ շարունակ «մասնակցել են այդ համակարգի ծիսակարգերին» և «խուսափել են մատնանշել հռետորաբանության ու իրականության միջև եղած անդունդը»: Օգտագործելով չեխ այլախոհ Վացլավ Հավելի «կյանքը ստի մեջ» մետաֆորը՝ Քարնին ըստ էության խոստովանել է.
«Մենք ցուցանակ էինք կախել պատուհանին: Մենք մասնակցում էինք ստին, որովհետև դա շահավետ էր»:
«Այս գործարքն այլևս չի գործում: Ուղիղ ասեմ՝ մենք գտնվում ենք խզման, այլ ոչ թե անցման փուլում», — փաստել է Քարնին:
Հիմա, երբ ամերիկյան հեգեմոնիան այլևս չի երաշխավորում արևմտյան «միջին տերությունների» անվտանգությունն ու բարեկեցությունը, նրանք հանկարծ
