Սյունիքի մարզում մեկնարկած համամարզային շաբաթօրյակի շրջանակում ակտիվ մասնակցություն է ունեցել նաև Գորիսի բժշկական կենտրոնը։ Կենտրոնի աշխատակիցները միացել են տարածքների մաքրման և բարեկարգման աշխատանքներին՝ իրենց ներդրումն ունենալով շրջակա միջավայրի խնամքի և համայնքային նախաձեռնությունների իրականացման գործում։
Տաթև համայնքում ապրիլի 25-ին նշվեց Հայաստանի Հանրապետության Քաղաքացու օրը։ «Մենք ենք մեր պետությունը» խորագրով միջոցառման շրջանակում կազմակերպվեց բանախոսություն և մշակութային ծրագիր։ Բանախոսությամբ հանդես եկավ Երևանի Ա․ Բաբաջանյանի անվան պետական քոլեջի տնօրեն Արտյոմ Հարությունյանը, ով ներկայացրեց քաղաքացիական արժեքների, պետության և հայրենիքի մասին իր պատկերացումները՝ ընդգծելով պատասխանատու քաղաքացու դերի կարևորությունը։
Տաթև համայնքի բոլոր գյուղական բնակավայրերում ապրիլի 26-ին իրականացվել են համամարզային շաբաթօրյակի շրջանակում մաքրման և բարեկարգման աշխատանքներ։ Մաքրվել և կարգի են բերվել պատմամշակութային հուշարձանների հարակից տարածքները, կանաչ գոտիները, ինչպես նաև ճանապարհների եզրերն ու հարակից հատվածները։
Գորիսի համայնքապետարանի աշխատակազմը, ենթակա հիմնարկների աշխատակիցները, ուժային կառույցների ներկայացուցիչները և համայնքում գործող պետական հաստատությունների անձնակազմը իրականացնում են ոչ միայն մաքրման, այլև բարեկարգման և ծառատնկման աշխատանքներ։ Լայնածավալ աշխատանքներ են ընթանում նաև համայնքի բնակավայրերում․ վարչական ղեկավարների հետ համատեղ բնակիչները ևս ակտիվորեն մասնակցում են աղբահանության և բարեկարգման գործընթացին։
Համամարզային շաբաթօրյակի շրջանակում համայնքի բնակավայրերում ակտիվորեն իրականացվում են մաքրման և բարեկարգման աշխատանքներ։ Մաքրվում են հանրային տարածքները, բակերը և փողոցները, իրականացվում է աղբահանություն, ինչպես նաև ծառատունկի միջոցով խթանվում է կանաչապատումը։ Նախաձեռնությունը միավորել է համայնքային կառույցներին, կրթական հաստատություններին և բնակիչներին՝ ստեղծելով համատեղ պատասխանատվության մթնոլորտ։
Երեկվա բաքոսատոնին հայ ժողովուրդը բացակա էր։ Ներկա էին միայն ՔՊ-ն՝ իր մոտ 5–6-հազարանոց աղանդավորական զանգվածով, ինչպես նաև շուրջ 8–10 հազար օտարերկրացիներ՝ հնդիկներ, չինացիներ, պարսիկներ, ռուսներ, բանգլադեշցիներ, ֆիլիպինցիներ, վիետնամացիներ և եվրոպացիներ։ Ո՛չ այս այլազգիներն են հայ, ո՛չ էլ ՔՊ-ն ու նրա ուծացած, ազգային ինքնությունը մերժող հետևորդները։ Այլազգիներին որևէ կերպ մեղադրել չի կարելի համերգին մասնակցելու համար․ պատասխանատվությունը կրում են միայն ու միայն միջոցառման կազմակերպիչները։
Բրիտանական հեղինակավոր The Telegraph պարբերականը հաղորդում է, որ Արգենտինայի կառավարությունը պաշտոնապես կոչ է արել Մեծ Բրիտանիային անհապաղ սկսել ուղիղ բանակցություններ Ֆոլկլենդյան (Մալվինյան) կղզիների ապագայի և ինքնիշխանության շուրջ: Բուենոս Այրեսի այս կոշտ դիվանագիտական դեմարշը տեղի է ունենում ճիշտ այն պահին, երբ աշխարհը քննարկում է Պենտագոնի ներքին նամակագրության արտահոսքը, որով ԱՄՆ-ը սպառնում էր չեղարկել իր աջակցությունը Բրիտանիային այդ կղզիների հարցում։
Հանրային դաշտում քննարկման առարկա է դարձել մի քաղաքական պաստառ, որի ձևակերպումները պետության գոյությունը կապում են մեկ քաղաքական գործչի հետ։ Քննադատները նշում են, որ նման ուղերձները կարող են դիտարկվել որպես անհատականացված քաղաքականության դրսևորում՝ շեշտելով, որ դրանք հակասում են ժողովրդավարական համակարգերին բնորոշ իշխանության փոփոխելիության և ինստիտուցիոնալ կառավարման սկզբունքներին։
Ադրբեջանի ԱԳՆ-ի հայտարարությունը՝ կապված Ջահերով երթի ընթացքում տեղի ունեցած ակցիայի հետ, արժանացել է կոշտ քննադատության։ Քննադատության հեղինակները դա գնահատում են որպես Հայաստանի ներքին գործերին բացահայտ միջամտություն՝ ընդգծելով, որ նման հայտարարությունները կասկածի տակ են դնում երկրի ինքնիշխանությունը և իրավական անկախությունը։