Սյունիքի մարզպետի տեղակալ Հայկ Հարությունյանը և խորհրդական Սուրեն Քեսեջյանն այցելել են Կապանի երկրագիտական թանգարան, որտեղ բացվել է Կապանի դրամատիկական թատրոնի 90-ամյակին նվիրված ցուցադրությունը։
Տեղ համայնքապետ Դավիթ Ղուլունցը և սոցիալական աշխատող Զարուհի Դոլուխանյանը հանդիպում ունեցան «Մարդը կարիքի մեջ» և «Գործընկերություն և ուսուցում» ՀԿ-ների ներկայացուցիչների հետ՝ քննարկելու համայնքում սոցիալական տաքսի ծառայության ստեղծման հարցը։
Գորիսում ֆրանսախոսության երկամսյակի շրջանակներում ցուցադրվեց «Եթե մոռանամ քեզ, Հայաստան» փաստագրական ֆիլմը։ Դիտումից հետո հանդիսատեսն առցանց քննարկեց ֆիլմը ռեժիսոր Օլիվիե Վեբերի հետ։
Հարժիսի դպրոցի աշակերտուհի Քնար Իսրայելյանը հերթական անգամ ապացուցեց իր գիտելիքների ուժը՝ Հայոց լեզվի օլիմպիադայի մարզային փուլում գրանցելով փայլուն արդյունք։ Շնորհակալություն նաև ուսուցիչներին՝ նրանց նվիրումի և մասնագիտական բարձր պատրաստվածության համար։
«ՈՄԱ Գորիս ողջ մնալու արվեստ ՌՀԿ»-ի հիմնական նպատակն է հանրությանը դարձնել մարտունակ, նպաստել ընդհանուր ռազմական գիտելիքների բարձրացմանը։ Դառնալով մարտունակ՝ հարկ եղած դեպքում ունակ կլինենք ինքնապաշտպանվելու և համալրելու մեր երկրի պաշտպանների շարքերը։
Սյունիքի մարզպետ Ռոբերտ Ղուկասյանի նախաձեռնությամբ պարգևատրվել են հանրակրթական դպրոցների աշակերտները, որոնք աչքի են ընկել առարկայական օլիմպիադաներում։ Գորիսի թիվ 2 դպրոցի 9-րդ դասարանցի Իննա Հայրապետյանը ֆրանսերենի օլիմպիադայում գերազանց գիտելիքներ ցուցաբերելու համար արժանացել է դիպլոմի։