Վարչապետ Նիկոլ Փաշինյանի վերջին հայտարարությունները Մեղրու տարածքով Ադրբեջանին և Թուրքիային ճանապարհ տրամադրելու պատրաստակամության մասին լուրջ մտահոգություններ են առաջացրել։
Մարտի 13-ին Գորիսի համայնքային պատկերասրահում տեղի ունեցավ ԳՊՀ «Կերպարվեստ» բաժնի ուսանողների դիպլոմային աշխատանքների ցուցահանդեսը, որը նվիրված էր մայրության և գեղեցկության տոնին։ Երիտասարդ արվեստագետների գործերում գերակշռում էին գարնանային գույներն ու հայրենի բնության պատկերները։
Մարտի 12-ին Սյունիքի մարզասերների ֆեդերացիայի նորաբաց մարզասրահում տեղի ունեցավ Սեղանի թենիսի սպարտակիադան և «ՀՀ Վարչապետի գավաթ» սիրողական սեղանի թենիսի մրցաշարը՝ Գորիս համայնքի հանրակրթական դպրոցների միջև։
Մարտի 7-ին Գորիսի համայնքային մանկապատանեկան մարզադպրոցը կազմակերպեց դպրոցականների բազկամարտի սպարտակիադայի համայնքային փուլը։ Գորիսի և հարակից համայնքների դպրոցականները պայքարեցին ուժեղագույնի տիտղոսի համար, իսկ լավագույն արդյունք ցույց տված թիմերը պարգևատրվեցին պատվոգրերով։
ՀՀ էկոնոմիկայի նախարար Գևորգ Պապոյանը հանդիպել է Գորիսի զբոսաշրջային ձեռնարկությունների միության ներկայացուցիչների հետ՝ քննարկելու ոլորտի խնդիրները, զարգացմանն ուղղված պետական աջակցությունն ու ներդրումային հնարավորությունները։ Նախարարը նշել է, որ պետությունը պատրաստ է նպաստել Գորիսի զբոսաշրջային գրավչության բարձրացմանը, այդ թվում՝ կլաստերի հիմնումով։
«Ազատազէն» կազմակերպությունը կասկածի տակ է դնում ՆԳ նախարար Արփինե Սարգսյանի պնդումները՝ կապված օրինական զենքով կատարվող հանցագործությունների թվի հետ։ Ըստ կազմակերպության՝ մինչ օրս ՀՀ Ոստիկանությունը նման հաշվառում չի իրականացրել, ուստի նախարարի հայտարարությունները անհիմն են։