Daily Archives: March 5, 2025

Ստացվում է այնպես, որ մի կողմից գործող իշխանություններն ամբողջությամբ փակել են Արցախի թեման եւ լռեցնում ու խլացնում են պայքարի բոլոր հնարավորություններն արցախցիների իրավունքների պաշտպանության համատեքստում, (եւ սա բերում է հուսահատության մեծ ալիք հասարակության լայն շրջանակների մոտ), մյուս կողմից Բաքվում գերեվարված մեր հայրենակիցների հայտարարությունները լրացուցիչ ուժ են տալիս, ավետում, որ պայքարը ավարտված չէ եւ Արցախի էջը փակված չէ։

Պատճառը, ինչպես և ակնկալվում էր, Ադրբեջանի հերթական պահանջը, այն է՝ միջազգային դատական ատյաններից Ադրբեջանի դեմ Հայաստանի ներկայացրած հարցերի հետկանչի ուլտիմատումն է: Եղիշե Կիրակոսյանի գրասենյակը տևական ժամանակ դիմադրում էր, սակայն մեր տեղեկություններով՝ այլևս որևէ տարբերակ Նիկոլ Փաշինյանը գրասենյակին չի թողել. Հայցերը պետք է հետ կանչել և վերջ. առանց դրա՝ Ադրբեջանը խաղաղության համաձայնագիր չի ստորագրի:

Այսօր Գորիսի տարածաշրջանի հոգևոր հովիվ արժանապատիվ Տեր Տիգրան քահանա Հակոբյանի ծննդյան օրն է։ Սյունյաց թեմը սրտանց շնորհավորում է սիրելի տեր հորը՝ մաղթելով Տիրոջ առատ օրհնություն, առողջություն և խաղաղ տարիներ։

Լևոն Մնացականյանը ուներ բոլոր հնարավորություններն այսօր լինել մեր հետ, բայց նախընտրեց լինել Արցախում, եւ ճակատագրի բերումով ու դավաճանաբար հայտնվեց Բաքվում։

Պատկերացնելի՞ է արդյոք նման իրավիճակում գտնվող մարդու կարգավիճակը. դա աշխարհում սարսափ հիշեցնող իրականություն է. ամեն օր 24 ժամով տարբեր տեսակի մարտեր մղվող իրականություն, պայքար իրենց ազատության, իրենց ինքնության և պարզապես որպես հայ լինելու իրավունքի մեջ: Մեր պարտքն է ամեն գնով մեր տան անդամին հետ բերելը։

Հայոց անկախությունը վտանգի տակ է։ Կամ կշարունակենք խարխափել առօրյա հոգսերի մեջ, կամ կգրկենք ու կփրկենք մեր մի բուռ հայրենիքը։ Որոշումը մերն է։

Կապան համայնքի ղեկավար Գևորգ Փարսյանի նախաձեռնությամբ մարտի 3-ին պաշտոնապես իր դռներն է բացել Սենթ Էթիենի անվան ֆրանկոֆոն կենտրոնը։ Կապան-Սենթ Էթիեն քաղաքների միջև բարեկամական հարաբերությունների հաստատման առաջին գործնական քայլն արված է։

Մեղադրյալի պաշտպանները հերթական անգամ նիստը վերածեցին անմարդկային շոուի՝ ստիպելով կրկին ու կրկին վերապրել ողբերգական պահը։ Նույն տեսագրությունները ցուցադրվում էին անընդմեջ, հարազատները՝ հոգեբանական ծանր տանջանքի մեջ։

«Հայաստանում Ֆրանսիայի դեսպան Օլիվիե Դըկոտինյիի հարցազրույցի մի հատվածը լայն քննարկման առարկա դարձավ՝ կապված Արցախի` Ալմա-Աթայի հռչակագրով Ադրբեջանի մաս ճանաչվելու հետ, սակայն նա այլ ուշագրավ հայտարարություններ էլ էր արել: Օրինակ,  Ֆրանսիայի հյուպատոսություն հիմնելու մասին` «Հայաստանի ամենառազմավարական եւ սպառնալիքի տակ ամենաշատը գտնվող մարզում»։