Ձյան առատ տեղումների պատճառով Շինուհայր-Տաթև ավտոճանապարհը փակ է ծանրաքաշ և կցորդով տրանսպորտային միջոցների համար։ Ճանապարհաշինարարները շարունակում են մաքրման և աղ-ավազով մշակման աշխատանքները՝ երթևեկությունը հնարավորինս արագ վերականգնելու համար։
Փետրվարի 6-ին Տեղի համայնքապետարանի վարչական շենքի նիստերի դահլիճում կայացավ ավագանու 8-րդ նստաշրջանի 1-ին նիստը։ Օրակարգում ընդգրկված էին համայնքային բյուջեի կատարողականի քննարկում, գույքագրման փաստաթղթերի հաստատում, ինչպես նաև մի շարք ընթացիկ հարցեր։
Չնայած տեղումները դադարել են, Տեղ համայնքի ԿՍԲ ՀՈԱԿ-ի բոլոր ստորաբաժանումները շարունակում են ձնամաքրման աշխատանքները։ Համայնքապետարանը հորդորում է վարորդներին խուսափել ամառային կամ մաշված անվադողերով երթևեկելուց՝ ապահովության նկատառումներով։
Փետրվարի 13-ին Գորիսը հրավիրում է բոլորին մասնակցելու Տյառընդառաջի տոնակատարությանը։ Սբ. Գրիգոր Լուսավորիչ եկեղեցում կկայանա նորապսակների օրհնության արարողությունը, իսկ եկեղեցու բակում՝ մեծ խարույկ, ազգային երգ ու պար և տոնական համերգ։
Վերջին տարիներին Գորիս համայնքում իրականացվել են լայնածավալ բնակարանաշինության ծրագրեր, որոնց շնորհիվ տասնյակ ընտանիքներ ապահովվել են սեփական բնակարանով։ Նոր շինարարական նախագծերը նպաստում են համայնքի զարգացմանն ու բնակիչների սոցիալական բարեկեցությանը։
«Մենք դեմ չենք ճանապարհների ապաշրջափակմանը, եթե դա իրականացվում է երկրների ազգային և տարածքների ազգային իշխանության ներքո: Մենք կողմ ենք Հայաստանի տարածքում ճանապարհների ապաշրջափակմանը, բայց այն պետք է իրականացվի ազգային և տարածքային ինքնիշխանության և տարածքային ամբողջականությունը հարգելու հիման վրա: Ցանկացած ճանապարհ, որն իր մեջ կներառի միջանցքի տրամաբանություն, մենք դրան դեմ ենք»: