Տեղական ինքնակառավարման ոլորտում անշահախնդիր աշխատանքի համար համայնքի ղեկավար Ս. Լալայանը և աշխատակազմի քարտուղար Մ. Թևոսյանը յուրաքանչյուր ոլորտում մեկական լավագույն ներկայացուցչի պատվոգրեր և շնորհակալագրեր են հանձնել։
Հիմնանորոգման աշխատանքներով պայմանավորված՝ Տաթև ավտոճանապարհի մի քանի հատվածում կատարվելու են պայթեցման աշխատանքներ, ինչի հետևանքով նոյեմբերի 13-ի ժամը 12.00-ից մինչև նոյեմբերի 14-ը՝ ժամը 12.00, նշված ճանապարհահատվածը փակ է լինելու երթևեկության համար։
Օրերս Տեղ համայնքի Տեղ բնակավայրի պատանիներ Մարկ Մաթևոսյանը և Արման Ղուշունցը մասնակցեցին Գորիսում տեղի ունեցած ըմբշամարտի բաց առաջնությանը, որտեղ մարզչական մեծ աշխատանքների և նվիրվածության շնորհիվ մեր տղաները կարողացան բարձր պահել հզոր տղցու պատիվը և իրենց քաշային կարգերում գրավել առաջին տեղերը` արժանանալով դիպլոմների։
Ալեքս Սահակյանը գրանցեց նոր հաղթանակ՝ դառնալով Սյունիքի առաջին միջազգային վարպետը։ Սա ուղենիշ է դառնում մեր մարզի շախմատային համայնքի համար՝ դառնալով ոգեշնչման աղբյուր ապագա տաղանդների համար։
Ալեքս Սահակյանը շախմատի աշխարհի մինչև 18 տարեկան պատանիների առաջնության շրջանակներում հաղթահարեց 2400 վարկանիշային շեմը և քանի որ արդեն ունի անհրաժեշտ նորմաները, կստանա միջազգային վարպետի կոչում: Նա առաջինն է Սյունիքում, ով հաղթահարել է միջազգային վարպետի շեմը։ Ալեքսը 11 հնարավորից վաստակել է 7 միավոր՝ իր վարկանիշը բարելավելով 36 կետով: