92֊ամյա տղամարդը վիրահատվել է Գորիսի ԲԿ ում
Գորիսի ԲԿ է դիմել 92֊ամյա Ա.Լ֊ն., ով վայր ընկնելուց հետո գանգատվում էր աջ կոնքազդրային հոդի շրջանի ցավերից և աջ ստորին վերջույթի ֆունկցիայի խանգարումից։
Կատարված կլինիկական և գործիքային հետազոտությունների արդյունքում ախտորոշվել է աջ ազդրոսկրի միջտամբիոնային կոտրվածք` տեղաշարժով։
Գորիսի ԲԿ֊ի վնասվածքաբանների թիմի կողմից կատարվել է աջ ազդրոսկրի մետաղական օստեոսինթեզ` ինտրամեդուլյար ձողով և արգելակող պտուտակներով։
Բուժառուն դուրս է գրվել հիվանդանոցից 5֊րդ օրը` քայլելով։
