Ֆրանսիայում 15 տարեկանից փոքր երեխաներին և դեռահասներին կարող են արգելել մուտք գործել սոցիալական ցանցեր հաջորդ ուսումնական տարվանից․ գրում է Euronews-ը՝ հղում անելով նախագահ Էմանուել Մակրոնին։
Մակրոնը խնդրել է օրենսդիրներին արագացնել 15 տարեկանից փոքրերի համար սոցիալական ցանցերին հասանելիությունը սահմանափակող օրենքի ընդունման գործընթացը, որպեսզի այն ուժի մեջ մտնի այս տարվա սեպտեմբերից՝ ուսումնական տարվա սկզբից։
«Մեր երեխաների և դեռահասների ուղեղները չեն վաճառվում, մեր երեխաների և դեռահասների զգացմունքները չեն վաճառվում կամ մանիպուլյացիայի չեն ենթարկվում ամերիկյան հարթակների կամ չինական ալգորիթմների կողմից», – ասել է Ֆրանսիայի նախագահը։
