Քվեարկե՛ք Գորիսի օգտին. անհրաժեշտ է 1041 համարին ուղարկել «Գորիս» բառը

ԿԳՄՍ նախարարության «ՀՀ 2027 թվականի երիտասարդական մայրաքաղաք» մրցույթի SMS քվեարկության մեկնարկը տրված է։

Հաջորդ տարվա երիտասարդական մայրաքաղաքի կոչմանն են հավակնում Գորիսը, Վեդին, Մասիսը, Վաղարշապատը և Ստեփանավանը։

Դեկտեմբերի 4-13-ը ՀՀ քաղաքացիները հնարավորություն ունեն քվեարկելու իրենց նախընտրած քաղաքի օգտին՝ ուղարկելով կարճ հաղորդագրություն 1041 համարին՝ հայատառ գրելով քաղաքի անունը՝ Գորիս, Վեդի, Մասիս, Վաղարշապատ, Ստեփանավան:

1 հաղորդագրության արժեքն է 50 դրամ: Հաղթողը կորոշվի փորձագիտական գնահատման և SMS քվեարկության արդյունքների համադրմամբ։