Տեղի համայնքապետարանի նիստերի դահլիճում ՝ բնակավայրերի վարչական ղեկավարների և ՀՈԱԿ-ի տնօրենների մասնակցությամբ, Տեղ համայնքի ղեկավար Դավիթ Ղուլունցը աշխատանքային խորհրդակցություն անցկացրեց։
Խորհրդակցության նպատակը տեղական տուրքերի վճարների , անշարժ գույքի, փոխադրամիջոցների գույքի և նախկինից կուտակված ապառքների հավաքագրման նոր մեխանիզմների ներդրումն ու կիրառումն էր։
Համայնքի ղեկավարը ներկաներին կարևորեց համայնքի սեփական եկամուտների հավաքագրման գործում բնակավայրերի աշխատակիցների ակտիվ աշխատանքի դերը և հրահանգեց գործել ավելի ճկուն և ակտիվ։ Խորհրդակցության ընթացքում քննարկվեցին նաև բնակավայրերում և ՀՈԱԿ-ում առկա լուծումներ պահանջող խնդիրները։
