Տաթև համայնքի ղեկավար պարոն Ս. Լալայանի շնորհավորանքը Ապրիլի 7-ի կապակցությամբ
Հարգարժա՛ն կանայք, սիրելի՛ մայրեր
Ջերմորեն շնորհավորում եմ ձեզ` Մայրության և գեղեցկության օրվա առիթով։
Ձեր անմնացորդ նվիրումը, առկայծող սերը, ջերմությունն ու հոգատարությունը մեր կյանքի առաջմղիչ ուժն են։
Ըստ Հայ առաքելական եկեղեցու տոնացույցի ապրիլի 7-ը Սուրբ Աստվածածնի Ավետման օրն է։ Մարիամի մայրանալով՝ մարդկանց համար մայրության խորհուրդը նորովի է բացահայտվել, և այսօր էլ այն դիտվում է որպես աստվածային հրաշք:
Սիրելի՛ կանայք, հերոսածին մայրեր, թող ձեր սրտերում միշտ ներդաշնակություն լինի, հոգում տիրի խաղաղությունը, երջանկությունը և սերը։ Ձեր հայրենասիրությունն ու անձնվիրությունը մեր հասարակության ամուր հիմքերից են, և մենք շնորհակալ ենք ձեր ամենօրյա ջանքերի համար։
Շնորհավոր Մայրության և Գեղեցկության օրը։
