Այսօր ժամը 15:00-ի սահմաններում Սիսիանի բժշկական կենտրոն էր դիմել 59-ամյա տղամարդ`կրծքավանդակի սաստիկ ցավերով։Կատարված հետազոտությունների արդյունքում ախտորոշվել էր սրտամկանի ST էլևացիայով սուր ինֆարկտ։
Չնայած Սիսիան-Գորիս ճանապարհահատվածի եղանակային պայմանները ծայրահեղ ծանր էին(սաստիկ բուք,մերկասառույց,գրեթե զրոյական տեսանելիություն)որոշում էր կայացվել տեղափոխել պացիենտին Գորիսի Ֆրանս-Հայկական սրտանոթային կենտրոն’ հաշվի առնելով անհապաղ մասնագիտացված օգնության անհրաժեշտությունը։
Վարորդ`Ստեփան Ստեփանյանը,բուժքույր`Հերմինե Ավանեսյանը,և ես` որպես ուղեկցող սրտաբան շտապ օգնության բրիգադի կազմում իրականացրինք պացիենտի տեղափոխումը։
Ես ուզում եմ հատուկ ընդգծել վարորդի և բուժքրոջ ցուցաբերած բարձր պրոֆեսիոնալիզմը,սառնասրտությունն ու նվիրվածությունը։ Այդ ծանր պայմաններում նրանք ապահովել են ոչ միայն պացիենտի անվտանգ տեղափոխությունը,այլև ժամանակին և արդյունավետ առաջին բուժօգնության ցուցաբերումը։
P.s.
Իսկ հետադարձ ճանապարհին արդեն մենք էինք, որ օգնության կարիք ունեցանք 
ԱԻՆ-ի աջակցությամբ կարողացանք դուրս գալ ձնաբքից` ևս մեկ անգամ համոզվելով, որ երբեմն նույնիսկ շտապ օգնությանը շտապ օգնություն է պետք։
Սա այն դեպքերից է, երբ «նվիրյալ» բառը դառնում է իրական բովանդակություն
Խոնարհում և խորին շնորհակալություն մեր բուժաշխատողներին և փրկարարներին։
Թարմացում…..
Գորիսի Ֆրանս-Հայկական սրտանոթային կենտրոնում կատարվել է անհետաձգելի ստենտավորում։Պացիենտի վիճակը այժմ կայուն է։
Ցանկանում եմ շնորհակալություն հայտնել ստենտավորումն իրականացրած ինտերվենցիոն սրտաբան Ռուբեն Բենգլյանին,ռեանիմացիայի սրտաբան Արթուր Գրիգորյանին` բարձր պրոֆեսիոնալիզմի և թիմային աշխատանքի համար։
Ինչպես տեսնում եք
առաջին նկարում սրտի անոթը ամբողջությամբ փակված է,
երկրորդում ներկայացված է անոթի բացման գործընթացը։
Երրորդ նկարում արդեն ստենտավորումից հետո անոթը լիարժեք բաց է, և արյան հոսքը վերականգնված է։
Այս նկարներըը փաստում են, թե որքան վճռորոշ է ճիշտ և ժամանակին միջամտությունը սրտամկանի սուր ինֆարկտի դեպքում։
