Սյունիքի մարզպետ Ռոբերտ Ղուկասյանը երեկ շնորհակալագիր է հանձնել Գորիսի ԲԿ-ի շտապօգնության բուժակ Արմեն Խաչատրյանին՝ մասնագիտական պարտականությունները մեծ պատասխանատվությամբ կատարելու, բարեխիղճ ու նվիրված աշխատանքի և արտակարգ իրավիճակում արդյունավետ գործելու համար։

Հունիսի 1-ին Հալիձորի ոլորաններում մարզպետը պատահմամբ ավտովթարի էր ականատես եղել և նկատել բուժօգնություն իրականացնելիս Ա․ Խաչատրյանի աշխատանքը։

Ռոբերտ Ղուկասյանը բժշկական կենտրոն այցի ընթացքում տեսակցել է նաև այս ավտովթարից տուժած քաղաքացիներին, հետաքրքրվել նրանց ապաքինման ընթացքով։