Առաջին անգամ, երբ խաղացի Մեսսիի դեմ, ես ուղղակի ապշած էի։ Մոտեցա Ռոնալդինյոյին և ասացի. «Ռոնալդինյո, պետք է անհանգստանաս համարիդ մասին. շուտով նա կվերցնի այն քեզանից։ Այս երեխան իսկապես սարսափեցնող է»։
Ռոնալդինյոն ժպտաց և ասաց. «Ես նրա մենթորն եմ։ Ամեն դեպքում, դա ինձ համար հաճույք է»։
Ես պատասխանեցի. «Մենթո՞ր, ես կարծում եմ, որ դու նրանից կսովորես ապագայում»։ Ես սովոր էի տեսնել Ռոնալդինյոյին և Էտո’օին փայլել հարձակման գծում, բայց այդ օրը ոչ մեկին չէի նկատում, բացի թիվ 30 հագած երեխայից, որը գրավեց բոլոր ֆուտբոլիստների ուշադրությունը։
«Մեսսին տարեցտարի զարգանում էր աներևակայելի ձևով։ Նա տարիներով փառք բերեց Բարսելոնային և երկու թիմ՝ Բարսելոնան ու Արգենտինան, իր ուսերին տարավ։ Մի ֆուտբոլիստ՝ երկու թիմ, և դա է պատճառը, որ նա պատմության մեծագույնն է»։
Մի անգամ, երբ Մեսսին շրջանցեց Կանավարոյին և ինձ, ու վազեց մեզ վրայով, ես շրջվեցի դեպի Կանավարոն և ասացի․ «Աստված իմ, ո՞վ է այս ֆուտբոլիստը։ Նա նոր Մարադոնան է»։
«Ես բախտավոր եմ։ Ինձ շատ ժամանակ չի մնացել մինչև կարիերայիս ավարտը։ Հաջորդ սերնդի պաշտպանները ինչպե՞ս են նրան դիմակայելու։ Նրանք իսկապես դժվարություններ են ունենալու նրա դեմ։ Ես գիտեի, որ նա կլինի աշխարհի լավագույն ֆուտբոլիստը։ Ապագայում նա կհաղթի ամեն ինչ։ Ես ուրախ եմ, քանի որ ավելի շատ դիտել եմ նրան, քան խաղացել նրա դեմ»։
