Ստրասբուրգում պատվով ներկայացրի Հայաստանը՝ մասնակցելով տարեկան աշխատանքային այցելությանը Եվրոպայի խորհուրդ, որտեղ 21 եվրոպական, Արևելյան գործընկերության և Բալկանյան երկրների երիտասարդներ ներկայացնում էին իրենց երկրները։
Այցի ընթացքում կարևոր հանդիպումներ ունեցանք Ստրասբուրգի փոխքաղաքապետ Վերոնիկ Բերտոլլեի և Եվրոպայի խորհրդի Տեղական և Տարածաշրջանային Իշխանությունների կոնգրեսի (Social Inclusion and Human Dignity Committee) քարտուղար Մարեն Լամբրեշտի հետ։
Այս այցը կարևոր հարթակ էր՝ Հայաստանի երիտասարդների դիրքը եվրոպական մակարդակում ևս մեկ անգամ ընդգծելու և ներկայացնելու մեր երկրի շարունակական դերակատարությունը Եվրոպայի խորհրդում։
Հայաստանի Հանրապետությունը ակտիվորեն համագործակցում է Եվրոպայի խորհրդի հետ՝ մարդու իրավունքների պաշտպանությունը, դատական համակարգի բարելավումը, ժողովրդավարական ինստիտուտների կայացումը և երիտասարդների ներգրավվածությունը հստակ առաջնահերթություն դիտարկելով։
Մեր երկրի մասնակցությունը Եվրոպայի խորհրդի ծրագրերին շարունակում է նպաստել քաղաքական, հասարակական և ինստիտուցիոնալ բարեփոխումներին։
Հայաստանի Հանրապետությունը անդամակցում է Եվրոպայի Խորհրդին դեռեւս 2001 թվականից։
