Հարժիսում ձևավորվեց երիտասարդական խորհուրդ

Մեր երիտասարդական զարգացման ծրագրի շրջանակներում Հարժիսում արդեն իսկ ստեղծվեց երիտասարդական խորհուրդ, որը նպատակ ունի միավորել ակտիվ երիտասարդներին և նրանց ներգրավել համայնքային կյանքի մեջ։

Առաջին քայլով, անդամների ընտրությամբ ձևավորվեց նաև 5 հոգուց բաղկացած աշխատանքային խումբ, որի անդամները կստանձնեն նախաձեռնությունների մշակման և իրականացման պատասխանատվություն։ Խմբի գործունեությունը կկենտրոնանա համայնքի կարիքների վերհանման, կրթական և մշակութային ծրագրերի կազմակերպման, ինչպես նաև երիտասարդների հմտությունների զարգացման վրա։

Այս գործընթացը կարևոր քայլ է դեպի երիտասարդների ավելի լայն մասնակցություն և համայնքի զարգացման մեջ նրանց դերակատարության ամրապնդում։

Վստահ ենք, որ մեր երիտասարդները կարող են դառնալ համայնքի առաջընթացի շարժիչ ուժ։